Rossiya qo‘shinlari 8-may kuni kechqurun Xarkov shahri va Xarkov viloyatini o‘qqa tutdi.
Viloyat harbiy ma’muriyati rahbari Oleg Sinegubovning so‘zlariga ko‘ra, C-300 raketalari orqali kamida oltita zarba berilgan. Raketalar Xarkov tumanida kelib tushgani aytilmoqda. Jabrlanganlar va yetkazilgan zarar ko‘lamiga aniqlik kiritilmoqda.
Shuningdek, OAVning yozishicha, Dnepropetrovsk va Sumi viloyati ham o‘qqa tutilgani haqida yozmoqda.
Dnepropetrovsk viloyati harbiy ma’muriyati rahbarining ma’lum qilishicha, viloyatda havo hujumidan mudofaa tizimlari ishlamoqda. Dnepr meri Boris Filatov shahardagi bir nechta portlashlar haqida yozdi.
Sumi viloyati ma’muriyatiga ko‘ra, kun davomida Rossiya qo‘shinlari 12 marotaba o‘t ochgan. Viloyat bo‘ylab 70 ta portlash qayd etilgan.
Bir necha kun oldin Ukraina Mudofaa vazirligi razvedka bosh boshqarmasi vakili Andrey Yusov Rossiya bosqinchilari 9-mayga provokatsiyalar tayyorlayotgan bo‘lishi mumkinligini ma’lum qilgandi. Uning so‘zlariga ko‘ra, ruslar belaruslarga qarshi provokatsiyalar ham yuborishi mumkin. Rossiyaning bunday “soxta bayroq ostidagi shartnomasi” Belarus armiyasini Ukrainaga qarshi urushga jalb qilishni o’z ichiga olish ehtimoli mavjud.
Izoh (0)