AQSH prezidenti Jo Bayden Kreml saroyiga dron hujumidan so‘ng Rossiya prezidenti Vladimir Putin bilan muzokara o‘tkazish niyatida emas. Bu haqda RIA Novosti agentligiga Oq uy Milliy xavfsizlik kengashi vakili ma’lum qildi.
"Yo‘q, men hozirda hech qanday rejalardan xabardor emasman", — dedi manba muzokaralar ehtimolini izohlar ekan.
Kremlga ko‘ra, tunda ikki dron Vladimir Putinning qarorgohiga hujum qilishga uringan. Shu bilan birga, prezident matbuot xizmati bu haqda faqat 3-may kuni tushdan keyin, Moskva meri poytaxtda dronlardan foydalanish taqiqlanganini e’lon qilganidan keyin ma’lum qildi.
Kreml voqeani Ukrainaning rejalangan terrorchilik harakati va “G‘alaba kuni” arafasida prezidentga qilingan suiqasd deb atadi. Vladimir Putin hujum vaqtida Novo-Ogaryovodagi qarorgohida bo‘lgan. Tergov qo‘mitasi Kremlga uchuvchisiz samolyot hujumini terakt sifatida baholadi. Ukraina prezidenti Vladimir Zelenskiy voqeaga aloqadorligi haqidagi ayblovlarni rad etdi.
Izoh (0)