La Liga. “Barselona” so‘nggi daqiqalarda g‘alabani ilib ketdi, “Real” safarda mag‘lubiyatni qabul qilib oldi (video)

Futbol bo‘yicha Ispaniya La Ligasining 33-turidan o‘rin olgan qator uchrashuvlar 2-may, seshanba kuni o‘tkazildi.

“Barselona” o‘z maydonida “Osasuna”ni qabul qildi. Uchrashuvning 26-daqiqasidayoq mehmonlar bir o‘yinchi kam bo‘lib qoldi. Katalonlar 85-daqiqaga kelibgina hisobni ochishga erishdi: Xordi Alba g‘alaba to‘piga muallif bo‘ldi.

Yana bir o‘yin “Real Sosyedad” va “Real Madrid” jamoalari o‘rtasida kechdi. Uchrashuvning birinchi bo‘limida darvozalar daxlsiz qoldi. Ikkinchi bo‘limning ikkinchi daqiqasida Madrid jamoasiga tegishli bo‘lgan va ayni vaqtda San-Sebastyan klubida ijarada o‘ynayotgan Takefusa Kubo hisobni ochdi.

“Real” vakillari 61-daqiqada Dani Karvaxalning chetlatilishidan keyin maydonda kamchilik qoldi. 85-daqiqada Ander Barrenechea mezbonlarning g‘alabasini mustahkamladi.

Shu tariqa “Barselona” va “Real” jamoalari o‘rtasidagi farq 14 ochkoga yetdi. Katalonlar keyingi o‘yinlarda 2 ochko to‘plasa, chempionlikni naqd qiladi.

Ayni vaqtda musobaqa jadvali quyidagi ko‘rinishni olgan:

La Liga

33-tur bahslari

2-may, seshanba

“Barselona” – “Osasuna” 1:0

Gol: 1:0 – 85 Alba.

“Barselona”: ter Shtegen, Kunde, Kristensen (Erik Garsiya, 52), Arauxo, Balde (Alba, 76), Buskets (Ferran Torres, 76), de Yong, Pedri, Gavi (Fati, 36), Rafinya (Dembele, 52), Levandovski.

“Osasuna”: Fernandes, Moreno, Unai Garsiya, Errando, Sanches, Torro (Xuan Krus, 59), Ruben Garsiya (Barxa, 46), Oros (Munyos, 46), Ibanyes, Benito (Aridane, 70), Chimi Avila (Kike Garsiya, 59).

Chetlatish: Errando (26).

“Real Sosyedad” – “Real Madrid” 2:0

Gollar: 1:0 – 47 Kubo, 2:0 – 85 Barrenechea.

“Real Sosyedad”: Remiro, Gorosabel (Elustondo, 63), Le Norman, Subeldiya (Pacheko, 64), Munyos, Kubo (Barrenechea, 74), Silva (Ilyarramendi, 89), Merino, Subimendi, Syorlot (Fernandes, 74), Oyarsabal.

“Real Madrid”: Kurtua, Karvaxal, Ryudiger, Militao, Nacho, Kroos (Vaskes, 63), Sebalyos, Tchuameni, Asensio (Arribas, 82), Rodrigo, Mariano Dias (Rodriges, 59).

Ogohlantirishlar: Gorosabel (22), Karvaxal (53), Sebalyos (79), Nacho (87), Rodrigo (90).

Chetlatish: Karvaxal (61).

“Almeriya” – “Elche” 2:1

Gollar: 1:0 – 22 Baptistao, 2:0 – 52 Embarba, 2:1 – 90 Ponse.