Buxoro viloyati Qorako‘l tumanida 13 yoshli qiz cho‘lda to‘rt erkak tomonidan zo‘rlangani haqida xabarlar tarqaldi. Viloyat IIB holat yuzasidan maʼlumot berdi.
Ushbu xabar Buxoro viloyati IIB masʼul xodimlari tomonidan batafsil o‘rganildi. Aniqlanishicha, holat yuzasidan IIB huzuridagi Tergov boshqarmasi tomonidan Jinoyat kodeksining 118-moddasi 4-qismi (14 yoshga to‘lmaganligi ayon bo‘lgan shaxsning nomusiga tegish) bilan jinoyat ishi qo‘zg‘atilib, tergov harakatlari olib borilmoqda.
Jabrlanuvchi qiz esa holat sodir bo‘lgan kuni uni kelinoyisi ushbu erkaklarga tashlab ketganini, qarshilik ko‘rsatolmaganini aytgan.
Jinoyat ishi bo‘yicha ayni paytda to‘rt nafar ayblanuvchiga nisbatan “qamoqqa olish” tarzidagi ehtiyot chorasi qo‘llanilgan bo‘lib, yana bir necha shaxslar gumonlanuvchi sifatida ishga jalb etilgan. Ularga nisbatan tergov harakatlari olib borilmoqda.
“Jinoyat ishini tergov qilishga viloyat Tergov boshqarmasining eng tajribali tergovchilari jalb etilgan bo‘lib, sudga oid tibbiy, bilogiya, psixologik, kompyuter-texnologik, hamda DNK ekspertizalari tayinlangan”, deyiladi xabarda.
Izoh (0)