Toshkent shahrida O‘zbekiston va Birlashgan Arab Amirliklari o‘rtasida siyosiy maslahatlashuvlarning navbatdagi davrasi bo‘lib o‘tdi.
Delegatsiyalarga O‘zbekiston investitsiyalar, sanoat va savdo vaziri Laziz Qudratov hamda BAA energetika va infratuzilma vaziri Suhayl al-Mazrui rahbarlik qildi.
Siyosiy muloqot va parlamentlararo munosabatlarni jadallashtirish, hamkorlikning shartnomaviy-huquqiy asoslarini va sarmoyaviy aloqalarni kengaytirish, shuningdek, xalqaro institutlar doirasidagi sa’y-harakatlarni muvofiqlashtirish bo‘yicha takliflar ko‘rib chiqildi.
Uchrashuv ishtirokchilari oliy darajada erishilgan kelishuvlarni to‘liq amalga oshirishga alohida e’tibor qaratgan holda O‘zbekiston-BAA ko‘p qirrali hamkorligining turli masalalari yuzasidan atroflicha fikr almashdi. Maslahatlashuvlarda sanoat kooperatsiyasini faollashtirish, sayyohlik almashinuvlarini kuchaytirish istiqbollariga alohida e’tibor qaratildi.
Izoh (0)