Xitoy Tayvan tomon 38 ta samolyot va jangovar dron uchirdi 

Xitoy armiyasi Tayvan tomon 38 ta qiruvchi samolyot va jangovar dron uchirdi. Bu haqda Tayvan Mudofaa vazirligi xabar berdi. 

Xabarga ko‘ra, 27-aprel kuni mahalliy vaqt bilan 06:00 da orol atrofida bir sutka davomida 38 ta Xitoy samolyoti, jumladan TB-001 droni qayd etilgan.

Dron aylana parvoz davomida orolning o‘rta chizig‘ini — Tayvan bo‘g‘ozini ajratuvchi norasmiy chegarani kesib o‘tgan. Keyin uning sharqiy qirg‘og‘ini aylanib, Xitoyga qaytib ketgan.

Mahalliy matbuotning xabar berishicha, Tayvan Mudofaa vazirligi ilk bor Xitoy harbiy samolyoti orol ustida markaziy chiziqning bir chetidan ikkinchi chetigacha aylanib yurganini e’lon qilmoqda.

Vazirlikning qo‘shimcha qilishicha, 19 ta samolyot “Tayvan bo‘g‘ozining o‘rta chizig‘ini kesib o‘tgan yoki Tayvanning janubi-g‘arbiy, janubi-sharqi va shimoli-sharqiga (Havo mudofaasini aniqlash zonasi) kirib kelgan”, bu oy boshida Xitoy uch kunlik mashg‘ulotlarni yakunlaganidan beri eng ko‘p “bostirib kirish” hisoblanadi.