Toshkent shahar bojxona boshqarmasi xodimlari tomonidan xorijdan olib kelinayotgan qariyb 3,5 mlrd so‘mlik matolar ushlab qolindi. Bu haqda boshqarma axborot xizmati xabar berdi.
Xabarga ko‘ra, xorijdan yuk konteynerida hujjatlarga ko‘ra mato tovarlari ularga tegishli yuk hujjatlari bilan o‘zaro solishtirgan holda belgilangan tartibda bojxona ko‘rigidan o‘tkazildi. Natijada yuk konteyneridagi mato tovarlarining o‘lchov birlikdagi miqdori hujjatlarida ko‘rsatilganidan ortiqcha ekani aniqlandi. Dastlabki hisob-kitoblarga ko‘ra, mazkur tovarlarning qiymati 3 milliard 418 million so‘mni tashkil etmoqda.
“Sirg‘ali” tashqi iqtisodiy faoliyat bojxona postida aniqlangan navbatdagi holatda masʼuliyati cheklangan jamiyatlardan birining nomiga keltirilgan matolar bojxona ko‘rigidan o‘tkazilganida, yuk hujjatlarida salkam 4,5 tonna og‘irlikdagi matolar qayd etilmagani fosh bo‘ldi. Mazkur tovarlarning taxminiy umumiy qiymati 427 million so‘mni tashkil etmoqda.
Hozirda tovarlar vaqtincha saqlovga olinib, yuqoridagi holatlar yuzasidan surishtiruv harakatlari olib borilmoqda.
Izoh (0)