Namangan viloyatida bola o‘g‘rilari yurgani aytilgan video ijtimoiy tarmoqlarda ko‘plab muhokamalarga sabab bo‘ldi. Viloyat IIB mazkur videoga izoh berdi.
Videodagi holat o‘rganilganda aslida tasvirdagi shaxslar Andijon viloyatidan Namanganga qarz evaziga berilgan mablag‘larini undirish maqsadida kelgani maʼlum bo‘ldi.
“Biz bola o‘g‘irlash maqsadida emas, boshqa maqsadda kelgan edik. Haqimizni olgani kelgan edik”, — deydi tasvirdagi ayol.
Shuningdek, videoni tasvirga olgan fuqaro ulardan shubhalanganini aytib, videoni faqat mahalla raisiga yuborganini taʼkidlagan.
“Tanishim telefon qilib ko‘chada shubhali shaxslar yurganini aytdi. Ko‘chaga chiqsam, mayda bolalar o‘ynaydigan joyda ikki kishi o‘tirgan ekan. Oldimdan o‘tib ketishayotganda kimligini so‘radim ulardan. Keyin Turdixon degan shaxsni izlab kelishganini, ulardan qarzi borligini aytishdi. Bu yerda unday inson yo‘qligini, 15 yildan buyon shu mahallada yashashimni aytdim. Yana ham shubhalandim-da, ularni tasvirga oldim. Mahalla komiteti shaxsiyiga videoni yubordim”, — deydi ushbu videotasvir muallifi.
Izoh (0)