O‘zbekiston aholisining qanchasi mehnatga layoqatli ekani ma’lum qilindi

O‘zbekiston doimiy aholisining 56,8 foizi mehnatga layoqatli yoshdagi fuqarolar hisoblanadi.

Davlat statistika agentligi ma’lumotiga ko‘ra, 2023-yil 1-yanvar holatiga ko‘ra, mamlakat doimiy aholisining 31,7 foizini (11,4 million kishi) mehnatga layoqatli yoshdan kichiklar hamda 11,5 foizini (4,1 million kishi) mehnatga layoqatli yoshdan kattalar tashkil etadi.

O‘zbekistonning doimiy aholisi 2023-yilning 1-aprel holatiga ko‘ra 36 197 781 kishini tashkil etmoqda. Mamlakat aholisi 2023-yilning har bir oyida o‘rtacha 57,6 ming kishiga ko‘paygan.

Toshkent shahri, Jizzax, Namangan va Surxondaryo viloyatlari aholisi tez o‘smoqda. Xususan, Namangan va Toshkent viloyati aholisi 3 milliondan oshgan.