Sog‘liqni saqlash tizimida masʼul lavozimlarda ishlagan fidoyi shifokor, tashkilotchi rahbar Zafar Rasulov 44 yoshida vafot etdi. Bu haqda SSV matbuot xizmati xabar berdi.
Zafar Rasulov 1979-yil 23-oktabrda Navoiy viloyatida tug‘ilgan. 2003-yilda Toshkent davlat tibbiyot institutini tamomlab, mehnat faoliyatini Navoiy kon-metallurgiya kombinatiga qarashli tibbiy sanitariya qismi terapevti sifatida boshlagan.
2012-2020-yillarda Uchquduq tuman tibbiyot birlashmasida bosh shifokor o‘rinbosari, birlashma boshlig‘i, Navoiy viloyat sog‘liqni saqlash boshqarmasi boshlig‘ining birinchi o‘rinbosari, Sog‘liqni saqlash vazirligi boshqarmasi boshlig‘i o‘rinbosari kabi masʼul lavozimlarda ishlagan.
2020-2023-yillarda esa Navoiy viloyat sog‘liqni saqlash boshqarmasi boshlig‘i sifatida samarali mehnat qilgan.
20-aprel kuni sog‘liqni saqlash vazirining tegishli buyrug‘i bilan 31 yoshli Nurali Safoyev Navoiy viloyati sog‘liqni saqlash boshqarmasi boshlig‘i lavozimiga tayinlangandi. Ta’kidlash kerakki, Zafar Rasulovdan oldin viloyat SSBga rahbarlik qilgan Farhod Gafarov sog‘lig‘i taqozosi sababli o‘z xohishiga ko‘ra vazifasidan ozod etilgan edi.
Izoh (0)