Samarqand viloyati Kattaqo‘rg‘on tumanida ommaviy janjal sodir bo‘lgani aks etgan video tarqaldi. Viloyat Ichki ishlar boshqarmasi axborot xizmati mazkur videoga izoh berdi.
Unga ko‘ra, holat 21-aprel kuni soat 13:30 da Kattaqo‘rg‘on tumani “Polvontepa” mahallasi hududidan o‘tgan M-37 avtomobil yo‘lining Toshkent—Buxoro yo‘nalishining piyodalar harakatlanish yo‘lida sodir bo‘lgan. A.A., X.B., I.A.lar hamda I.F. kelishmovchilik natijasida janjallashib qolgan.
Janjal oqibatida fuqaro X.B. tan jarohati olib, Kattaqo‘rg‘on shahar tibbiyot birlashmasiga murojaat qilgan.
Mazkur holat yuzasidan 2023-yil 22-aprel kuni Kattaqo‘rg‘on tumani IIB huzuridagi Tergov bo‘linmasi tomonidan Jinoyat kodeksining 109-moddasi 2-qismi bilan jinoyat ishi qo‘zg‘atilgan.
Izoh (0)