O‘zbekistonning qaysi viloyatida doimiy aholi soni eng ko‘pligi ma’lum qilindi

Toshkent shahri, Jizzax, Namangan va Surxondaryo viloyatlari aholisi tez o‘smoqda, deb xabar beradi Statistika agentligi.

Dastlabki maʼlumotlarga ko‘ra, O‘zbekistonda 2023-yil 1-aprel holatiga doimiy aholi soni 36 197 781 kishini tashkil etgan. Bu ko‘rsatkich 2022-yilning shu davri bilan solishtirilganda 2,2 foizga ko‘paygan.

Hududlar kesimida doimiy aholi sonining o‘sishi:

• Qoraqalpog‘iston Respublikasi – 1,3 foiz;
• Andijon viloyati – 2,1 foiz;
• Buxoro viloyati – 1,7 foiz;
• Jizzax viloyati – 2,3 foiz;
• Qashqadaryo viloyati – 2,2 foiz;
• Navoiy viloyati – 2,1 foiz;
• Namangan viloyati – 2,3 foiz;
• Samarqand viloyati – 2,2 foiz;
• Surxondaryo viloyati – 2,3 foiz;
• Sirdaryo viloyati – 2 foiz;
• Toshkent viloyati – 1,8 foiz;
• Farg‘ona viloyati – 2,1 foiz;
• Xorazm viloyati – 1,8 foiz;
• Toshkent shahri – 3,3 foiz.

Shuningdek, ma’lum qilinishicha, Namangan va Toshkent viloyati aholisi 3 milliondan oshgan. Hududlar kesimida doimiy aholi soni:

Qoraqalpog‘iston Respublikasi – 1 million 981,8 ming kishi;

• Andijon viloyati – 3 million 338,2 ming kishi;
• Buxoro viloyati – 2 million 16,6 ming kishi;
• Jizzax viloyati – 1 million 483,1 ming kishi;
• Qashqadaryo viloyati – 3 million 499,1 ming kishi;
• Navoiy viloyati – 1 million 60,6 ming kishi;
• Namangan viloyati – 3 million 12,5 ming kishi;
• Samarqand viloyati – 4 million 137,9 ming kishi;
• Surxondaryo viloyati – 2 million 821,9 ming kishi;
• Sirdaryo viloyati – 900,9 ming kishi;
• Toshkent viloyati – 3 million 7 ming kishi;
• Farg‘ona viloyati – 3 million 994,8 ming kishi;
• Xorazm viloyati – 1 million 965,2 ming kishi;
• Toshkent shahri – 2 million 978,2 ming kishi.

Agentlik ma’lumotlarda keltirilishicha, O‘zbekiston aholisi 2023-yilning har bir oyida o‘rtacha 57,6 ming kishiga oshgan. 2023-yilning har bir kunida doimiy aholi soni o‘rtacha 1,9 ming kishiga ko‘paymoqda. 2023-yilning 1-yanvar holatiga doimiy aholi tarkibidagi erkaklar soni ayollar sonidan 232 210 nafarga ko‘p bo‘lgan. Mazkur davrda aholi soni 36 million 024 ming 946 kishini tashkil etgan.