Feruz Abilov Samarqand viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi. Bu haqda Samarqand viloyati hokimligi matbuot xizmati xabar berdi.
Feruz Ne‘matullayevich 1978-yilda Narpay tumanida tug‘ilgan. Ushbu tayinlovga qadar Samarqand viloyati hokimining qishloq va suv xo‘jaligi masalalari bo‘yicha o‘rinbosari lavozimida faoliyat olib borgan.
Shuningdek, Shunqor Xudayberdiyev Samarqand viloyati hokimining qishloq va suv xo’jaligi masalalari bo’yicha o’rinbosari lavozimiga tayinlandi.
Shunqor Farmonovich 1971-yilda Past Darg‘om tumanida tug‘ilgan. Tayinlovga qadar Samarqand viloyati Past Darg’om tumani hokimi lavozimida faoliyat olib borgan.
Pastdarg‘om tumani hokimligida o‘tkazilgan xalq deputatlari tuman Kengashining navbatdan tashqari sessiyasida Vahobjon Murotqobilov tuman hokimi lavozimiga tasdiqlandi.
Vahobjon Abdug‘aniyevich Murotqobilov 1974-yilda Samarqand viloyati, Pastdarg‘om tumanida tug‘ilgan. Mazkur tayinlovga qadar Oliy Majlisi Qonunchilik palatasi deputati vazifasida faoliyat olib borgan. Qurilish vazirligida boshqarma boshlig‘i, Qurilish vazirligi huzuridagi “Shaharsozlik hujjatlari ekspertizasi” DUK bosh direktori vazifalarida ishlagan.
Viloyatlar hokimlariga o‘rinbosarlar tayinlovi
Aprel boshida Siroj Bekchanov Xorazm viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlangandi. 7-aprel kuni esa Rahimjon Boboyev Sirdaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — viloyat iqtisodiy taraqqiyot va kambag‘allikni qisqartirish bosh boshqarmasi boshlig‘i lavozimida ish boshlagan. 14-aprel kuni Elyor Mardonov Navoiy viloyati hokimining jamoat tashkilotlari va diniy tashkilotlar bilan aloqalar bo‘yicha o‘rinbosari lavozimiga tayinlangani ma’lum bo‘lgandi.
Izoh (0)