Qirg‘iziston prezidenti Sadir Japarov “Kabar”ga bergan intervyusida Tojikiston bilan chegarani delimitatsiya va demarkatsiya qilish masalasiga to‘xtaldi.
“Oldingi siljishlar bor, lekin bu ish juda sekin ketmoqda. Agar ikkala tomon delimitatsiyaga rozi bo‘lsa, unda bir oylik ish qoladi. Afsuski, ish jarayonida qo‘shnilar to‘satdan 1924-yil xaritaga asosan hududni belgilashni taklif qilmoqda.
Ish jarayoni to‘xtaydi. Bunday taklif hech qanday huquqiy va axloqiy me’yorlarga javob bermaydi. 1924-yilda Tojikiston ham, biz ham alohida davlat emasdik. Agar ikkala tomon 1924-yilgi xarita asosida chegaralanishga qaror qilsa, u holda barcha chegara chiziqlari ko‘rib chiqilishi kerak”, — dedi Japarov.
Qirg‘iziston rahbari avvalroq Tojikiston bilan chegara chizig‘ini aniqlash 2023-yilning mayigacha yakunlanishiga umid qilganini aytdi.
“O‘sha paytda tomonlar hamjihatlikda ishlagan, ish tezroq kechgandi. Afsuski, u yakunlanmadi”, — deya xulosa qildi u.
Izoh (0)