Qirg‘izistondagi eng yirik “Ayu” spirtli ichimliklar zavodi milliylashtiriladi. Bu haqda Qirg‘iziston prezidenti Sadir Japarov ma’lum qildi.
Japarovning so‘zlariga ko‘ra, “Ayu”ning yopilishiga korxona tomonidan olib borilgan kontrabanda va soliq imtiyozlari to‘lanmagani sabab bo‘lgan. Kompaniya, shuningdek, 2 yildan ortiq vaqt davomida aksiz markalarini qalbakilashtirgan. Razvedka xodimlari tomonidan 12 ming soxta aksizlar aniqlanib, 275 tonna noqonuniy olib kirilgan alkogolli ichimliklar musodara qilingan. Uning umumiy qiymati 40 million somdan (taxminan 460 ming dollar) oshgan.
“Ayu” firmasiga Qirg‘izistonning eng boy tadbirkorlaridan biri – Sharshenbek Abdikerimov rahbarlik qiladi.
Avvalroq, 2020 yilda Qirg‘iziston Milliy xavfsizlik davlat qo‘mitasining tergov xizmati soliqlarni to‘lamaganlik va boshqa huquqbuzarliklar bo‘yicha allaqachon jinoiy ish qo‘zg‘atgandi. Xolding ofislari va zavodlarida tintuv o‘tkazilib, hujjatlar olib qo‘yilgan.
Izoh (0)