Panorama Airways Toshkent va Madina (Saudiya Arabistoni) o‘rtasida parvozlarni amalga oshirishini e’lon qildi.

Xususiy aviakompaniya mazkur yo‘nalishdagi parvozlarni hajga ketayotgan musulmon ziyoratchilar uchun amalga oshirmoqchi. Aviaqatnovlar 21-apreldan boshlab, har kuni yo‘lga qo‘yiladi. Toshkentdan uchish vaqti — soat 19:15.

Panorama Airways xususiy aviakompaniyasi 2021-yilda tashkil etilgan bo‘lib, 2022-yil dekabrida kompaniya ilk tijoriy reysni amalga oshirdi.

Aviakompaniya O‘zbekiston, shuningdek, BAA, Isroil, Saudiya Arabistoni, Rossiya, Janubiy Koreya va boshqa davlatlarga yo‘lovchi tashish bilan shug‘ullanishni rejalashtirayotgani ma’lum qilingandi.