Toshkent shahar Mirzo Ulug‘bek tumanining ayrim joylarida tabiiy gaz taʼminoti vaqtinchalik to‘xtatiladi. Bu haqda “Hududgaz Poytaxt” gaz taʼminoti filiali matbuot xizmati xabar berdi.
Qayd etilishicha, tumanning “Amir Temur” MFY, O‘rta Osiyo trans ko‘chasida joylashgan yer usti D-76 millimetrli o‘rta bosim gaz quvurini xavfsiz joyga ko‘chirish ishlari “Hududgaz Poytaxt” GTFning “Mirzo Ulug‘bek tumangaz” gaz taʼminoti bo‘limi tomonidan amalga oshirish rejalashtirilgan.
Shu tufayli 17-aprel kuni soat 11:00 dan 17:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi.
Shundan aholi va ulgurji isteʼmolchilari:
- O‘rta Osiyo trans 1-2-3-4 tor ko‘chalarida joylashgan jami 68 ta uy xo‘jaliklarida hamda hududdagi 7 ta ulgurji isteʼmolchilarida.
Taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘raydi.
Izoh (0)