Islom hamkorlik tashkiloti delegatsiyasi “Tolibon” rasmiylari bilan muloqot qilish uchun Kobulga borishi kutilmoqda. Bu haqda “Daryo”ning Afg‘onistondagi muxbiri xabar berdi.
Islom hamkorlik tashkilotining Afg‘onistondagi elchisi Muhammad Said Al-Ayash delegatsiya “Tolibon” rasmiylari bilan ayollar mehnatini tiklash yuzasidan uchrashmoqchiligini aytdi. Elchi ayollar uchun islom doirasida ish ta’minlanishi kerakligini qo‘shimcha qildi.
Ta’kidlanishicha, ushbu delegatsiya “Tolibon” bilan Afg‘oniston xalqiga yordam ko‘rsatish, rivojlanish, iqtisodiyot, sog‘liqni saqlash va ta’lim masalasini ham muhokama qiladi. Muhammad Said Al-Ayash Afg‘oniston Qizil yarim oy jamiyatiga yordam topshirish jarayonida bu haqda ma’lumot bergan.
U Islom davlatlari va Islom hamkorlik tashkiloti ayollar ishini "Tolibon" bilan doimiy ravishda muhokama qilganini aytdi.
“Bizning idoramiz ushbu farmonni (ayollarning ishlashiga nisbatan taqiq) qoralab, ayollar uchun mehnat sohasini islom va afg‘on madaniyatiga zid bo‘lmagan tarzda ta’minlash zarurligini ta’kidladi.
Eslatib o‘tamiz, Afg‘onistonda Islom amirligi qayta tiklanishi bilan ayollarning idoralarda ishlashi to‘xtatilib, qizlar ta’lim olishdan mahrum bo‘lgan.
Izoh (0)