Toshkent shahrida giyohvand moddalari savdosiga qarshi “Dolzarb 15 kunlik” bo‘lib o‘tmoqda. Bu haqda poytaxt IIBB axborot xizmati xabar berdi.
Ma’lum bo‘lishicha, hozirda jinoyatchilar o‘z mahsulotarini yangi texnologiyalar yordamida sotuvchidan xaridorgacha yetkazib berish mexanizmini takomillashtirmoqda.
Ichki ishlar bosh boshqarmasi xodimlari tomonidan 6–10-aprel kunlari o‘tkazilgan tezkor-profilaktik tadbirlar davomida 102 ta noqonuniy holat aniqlanib, ularga chek qo‘yishga erishilgan.
Ashyoviy dalil tariqasida rasmiylashtirib olingan moddalarning umumiy miqdori 384,7 grammni tashkil etgan, shundan 192,02 gramm giyohvandlik vositalari, 192,68 gramm sintetik moddalardir.
Tadbir davomida 701 dona kuchli ta’sir etuvchi vositalar aniqlanib, o‘rnatilgan tartibda olib qo‘yilgan. Giyohvandlik vositalari va psixotrop moddalarni yashirish orqali sotish bilan bog‘liq 74 ta holat aniqlangan. 1 775 tadan ortiq narkograffit yozuvlar aniqlanib, barchasi o‘chirilgan.
Izoh (0)