Jurnalistika universitetining binolari orasida yoriq paydo bo‘lgani to‘g‘risida xabar berilgandi. Qurilish va uy-joy kommunal xo‘jaligi vazirligi holatga rasmiy munosabat bildirib, universitet binosidagi yoriqlar yuqori xavf darajasiga ega emasligini ma’lum qildi.
Qayd etilishicha, Yunusobod tumani Qiyot ko‘chasida joylashgan O‘zbekiston jurnalistika va ommaviy kommunikatsiyalar universiteti binosida yuzaga kelgan yoriqlar masalasi Toshkent shahar qurilish sohasida hududiy nazorat inspeksiyasi tomonidan joyiga chiqib o‘rganilgan.
Ma’lum qilinishicha, ushbu yoriqlar universitetning eski mavjud binosi hamda o‘tish yo‘lagi oralig‘ida hosil bo‘lgan. Ikki bino o‘rtasidagi maxsus chok (“temperaturniy shov”), yillar davomida tashqi omillar taʼsirida yuzaga kelgan.
Ta’kidlanishicha, eski mavjud bino 1978-yilda loyihalashtirilgan va shu kunga qadar unda rekonstruksiya ishlari amalga oshirilmagan.
Yoriqlar bilan bog‘liq holatning 2019-yil Investitsiya dasturi asosida qurib, foydalanishga topshirilgan universitetning yangi binolariga umuman aloqasi yo‘q. Bu bino g‘isht devoridagi yoriqlar emas”, — deyiladi munosabatda.
Shuningdek, o‘rganish ishlari davomida bino poydevori ham ko‘zdan kechirilgan. Vizual tekshiruv natijasiga ko‘ra poydevorda cho‘kish alomatlari mavjud emas.
Toshkent shahar Shayxontohur tumanida qurilayotgan ko‘p qavatli uylardan biri qiyshiq qurilayotgani aytilgan video tarqalgandi. Qurilish va uy-joy kommunal xo‘jaligi vazirligi holatga munosabat bildirib, mazkur obyekt zamonaviy arxitektura namunasi sifatida o‘ziga xos dizayn asosida loyihalashtirilgani, bu bino konstruktiv elementlarida kamchiliklar borligini anglatmasligini ma’lum qilgan edi.
Izoh (0)