Tesla bosh direktori Ilon Maskning boyligi o‘tgan haftada 14,5 milliard dollarga kamaydi. Bu sayyoradagi eng boy odamlar orasida haftalik eng sezilarli pasayishdir. Bu haqda Forbes xabar berdi.
Bugungi kunga kelib Maskning boyligi 187,9 milliard dollarga baholanmoqda. U hamon AQSHning eng boy milliarderi va dunyodagi ikkinchi eng boy odam hisoblanadi.
Maskning boyligi bir hafta ichida 10,8 foizga pasaygan Tesla aksiyalari ortidan tushib ketdi.
Investorlarga avtomobil ishlab chiqaruvchining so‘nggi choraklik hisoboti yoqmadi. Unga ko‘ra, kompaniya omborlaridagi avtomobillar soni joriy yil boshida eng yuqori cho‘qqiga chiqqan. Avval Tesla avtomobillariga talab bunchalik past darajaga tushmagan.
Hisob-kitoblarga ko‘ra, bu hafta eng katta pul yo‘qotgan milliarderlar orasida LVMH rahbari Bernard Arno ikkinchi bo‘ldi.
Forbes global reytingida birinchi o‘rinni egallagan fransuz milliarderining boyligi 2,7 milliard dollarga kamaydi va hozirda 223,1 milliard dollarni tashkil etadi.
Avvalroq Bernard Arno dunyodagi eng boy odamlari reytingidagi yetakchilikni Ilon Maskdan tortib olgani haqida xabar berilgandi.
Izoh (0)