Iftorlik dasturxoniga shokolad va bananli pankeyk tayyorlaymiz

Bu pankeyklarning tarkibida un yo‘q, uning o‘rniga jo‘xori uni va kakao kukunidan foydalaniladi. Banan pankeykka nozik ta’m va yoqimli, mevali hid beradi. Pankeyklarni tezda tayyorlash mumkin, chunki uning tarkibidagi barcha mahsulot blender bilan aralashtirib olinadi.

Kerakli masalliqlar:

• yaxshi pishgan banan — 2 ta;
• tuxum — 2 ta;
• jo‘xori uni — 50 g;
• pishiriq kukuni — yarim choy qoshiq;
• kakao kukuni — 2 osh qoshiq;
• vanillin — 1 chimdim;
• tuz — 1 chimdim.

Tayyorlanishi:

1. Blender yordamida barcha mahsulotlarni bir xil massaga ega bo‘lgunga qadar aralashtirib oling;
2. Xamirni 10-20 daqiqaga qoldiring. Bu vaqt ichida u biroz qalinlashadi;
3. O‘rtacha olovda tovani qizdiring;
4. Xamirni biroz yoyib, pankeyklarni ikki tomondan qotib qolguncha qovuring.

Yoqimli ishtaha!