Belarus Litva bilan chegaraga o‘nlab tanklarini tortib keldi, deb xabar bermoqda “Belaruski Gayun” monitoring guruhi.
Xabarga ko‘ra, 6-aprel kuni tunda Litva bilan chegaradan 9 kilometr uzoqlikdagi Gudogay temir yo‘l vokzaliga Belarus qurolli kuchlarining kamida 20 ta texnikasi ortilgan poyezd kelgan.
Monitoring guruhi ma’lumotlariga ko‘ra, eshelondagi texnikalar orasida kamida 10-15 ta T-72B / B3 tanklari, shuningdek, zirhli transport vositalari, piyodalar jangovar mashinalari va MT-LB texnikalari bor.
“Gayun” texnikalar Uruchye tumanida (Minsk) joylashgan Belarus qurolli kuchlarining 120-brigadasiga tegishli ekanini qayd etdi.
Avvalroq ukrainaliklar Belarus bilan chegarada katta ekran o‘rnatgani haqida xabar berilgandi. Unda Zelenskiyning belaruslarga murojaati va o‘ldirilgan Bucha aholisining jasadlari ko‘rsatilmoqda.
“Belsat” xabariga ko‘ra, Belarus xalqini qo‘llab-quvvatlash maqsadida Ukraina tomonidan chegarada Belarus bayrog‘i ham o‘rnatilgan. Nashr o‘quvchilarining aytishicha, ekrandagi translyatsiya Belarus hududida yaqqol ko‘rinib, eshitilib turadi.
Izoh (0)