Iftorlikka lavash xamiri va sosiskadan konvert shaklidagi yegulik tayyorlaymiz

Lavash xamiri, sosiska va pishloqdan tayyorlanadigan ajoyib yegulik sizga ham yoqishi aniq. Unga o‘zingizga yoqqan sous yoki ko‘katlarni qo‘shishingiz mumkin.

Kerakli masalliqlar:

• sosiska — 3-5 dona;
• yupqa lavash xamiri — 1 dona;
• pishloq — 150 g;
• ko‘katlar — ta’bga ko‘ra;
• mayonez — ta’bga ko‘ra;
• tuxum — 2 dona;
• tuz — ta’bga ko‘ra;
• murch — ta’bga ko‘ra;
• sut — 1-2 osh qoshiq;
• o‘simlik yog‘i — 4-5 osh qoshiq.

Tayyorlanishi:

1. Sosiskalarni qaynatib oling. Lavash xamirini bir xil to‘rtburchak shaklida kesing;
2. Sosiskalarni mayda qilib to‘g‘rang. Pishloqni, ko‘katlarni mayonez bilan aralashtiring. Unga pomidor bo‘laklarini qo‘shishingiz mumkin;
3. Xamirning ichiga massani soling va konvert shaklida bukib oling;
4. Tuxumni tuz, murch va sut bilan ko‘pirtiring. Kattaroq tarelkaga soling;
5. Qizdirilgan idishga yog‘ni soling. Konvertlarni tuxum aralashmasiga to‘liq botirib oling, so‘ngra qizargunga qadar har ikki tomonini qovuring.

Yoqimli ishtaha!