Bahor faslining ikkinchi oyi dastlabki besh kunligida Qashqadaryo viloyatining Dehqonobod va Shahrisabz, Surxondaryo viloyatining Boysun tog‘larida qor yog‘di. Bu haqda “Daryo” kuzatuvchilari xabar berdi.
.jpg)
Maʼlum bo‘lishicha, kecha 4-aprel kuni Surxondaryoning Boysun tumani markazidan 30 kilometr uzoqlikda joylashgan Duoba qishlog‘ida 15-20 sm qalinlikda qor yog‘gan.
Sayt kuzatuvchisi yuborgan suratlardan maʼlum bo‘lishicha, qor tumanning tog‘li hududiga tushgan.
.jpg)
“Daryo” muxbirining qo‘shimcha qilishicha, 4-aprel kuni Qashqadaryo viloyatining Shahrisabz tumanidagi Ko‘l qishlog‘i va Dehqonobod tumanining Do‘konxona qishloqlarida ham qor yog‘gan.
Avvalroq “O‘zgidromet” respublikaning aksariyat qismida hafta davomida yomg‘irli ob-havo bo‘lishini maʼlum qilgandi.
Izoh (0)