Namangandan Saudiya Arabistonining Jidda shahriga to‘g‘ridan to‘g‘ri aviaqatnov yo‘lga qo‘yildi. Bu haqda “Daryo” muxbiri Azizbek Abduvaliyev xabar bermoqda.
Parvoz CentrumAir xususiy aviakompaniyasi tomonidan amalga oshirildi. Aviakompaniyaning Boeing 737 rusumli havo kemasi Namangandan Jiddaga 150 nafar yo‘lovchini olib ketdi.
Ushbu parvoz aviakompaniyaning ilk xorijiy aviaqatnovi hisoblanadi. Kelgusida ushbu reysni Namangan xalqaro aeroportidan haftasiga 10 martagacha amalga oshirish rejalashtirilgan.
Maʼlumot uchun, bugungi kunda Namangan xalqaro aeroportidan Rossiya, Saudiya Arabistoni, Kuvayt, Ummon, Birlashgan Arab Amirliklari singari davlatlardagi 18 ta shaharga muntazam aviaqatnovlar amalga oshirib kelinmoqda.
Izoh (0)