Toshkent viloyatidagi Chotqol o‘rmon xo‘jaligida 4 gektar maydonga ekilgan xandon pista ko‘chatlari kesib tashlandi. Bu haqda “Ekologuz” Telegram kanali xabar berdi.
Tabiat resurslari vazirligi Toshkent viloyati boshqarmasi hamda Saksonota davlat o‘rmon ishlab chiqarish korxonasi mas’ul xodimlari bilan birgalikda joyiga chiqib o‘rganish ishlarini olib borgan.
Joylarga chiqib o‘rganilganda 1987-yilda tug‘ilgan Chirchiq shahrida istiqomat qiluvchi fuqaro S.A tomonidan 48 tup turli o‘lchamdagi xandon pista daraxtlarini o‘tin qilish maqsadida kesib tashlanganligi aniqlangan.
Holat yuzasidan dalolatnoma rasmiylashtirilib, huquqbuzarga nisbatan Ma’muriy javobgarlik to‘g‘risidagi kodeksning 79-moddasi (o‘simlik dunyosi obyektlarini yig‘ish, tayyorlash va ulardan foydalanish tartibi hamda shartlarini buzish) 1-qismiga asosan jarima hamda tabiatga keltirilgan zarar hisob-kitob qilinib, undirish ishlari amalga oshirilmoqda.
Izoh (0)