53 yoshida ham Jennifer Lopez nafaqat o‘zining jozibadorligini yo‘qotmagan, balki yildan yilga yanada nozik va maftunkor bo‘lib bormoqda. Bundan tashqari, Jey Loning go‘zallik sirlari oddiy va tushunarli, chunki u maslahatlarini muxlislari bilan bajonidil baham ko‘radi.
To‘yib uxlaydi
Jey Loning birinchi go‘zallik siri sog‘lom va to‘laqonli uyqudir. Uning so‘zlariga ko‘ra, yaxshi uyqu teri yorqinligini berishga qodir, chunki u uyquda tiklanadi. Shu sababli go‘zallik va yoshlikni saqlab qolish uchun Lopes yetarli darajada uxlashni tavsiya qiladi — kuniga kamida 8, ko‘pi bilan 10 soat.
Yuz terisini albatta tozalaydi va namlaydi
Jennifer Lopez har doim terisining kundalik tozalanishi va namlanishiga e'tibor va vaqt ajratadi. Shu bilan birga, yulduz qimmatbaho kosmetika sotib olmasligini ham aytadi. “Men har doim tozalovchi vosita va krem ishlataman. Bu juda oddiy”, — deydi Lopes va kundalik arsenalida doimo glikolik kislota zardobi borligini qo‘shimcha qiladi.
Zaytun moyi bo‘lgan mahsulotlardan foydalanadi
Zaytun moyi Jey Lo va oilasining sevimli tarkibiy qismi, shuningdek, Jey Lo Beauty to‘plamining asosiy qismidir. U zaytun moyiga asoslangan krem va niqoblardan foydalanadi. Xonanda terini namlash va sochni sog‘lom saqlash uchun tarkibida zaytun moyi bo‘lgan mahsulotlardan foydalanishni tavsiya qiladi.
Sabzavotlar iste'mol qiladi
Jey Lo to‘g‘ri ovqatlanish tarafdori va qat’iy diyetaga qarshi. U odatda 18:30 dan keyin ovqat yemaydi, garchi u kun davomida juda erkin va tez-tez ovqatlansa ham. Lopesning ratsionida — oq go‘sht, baliq, yong‘oq, mevalar, jo‘xori uni, kartoshka, proteyinli ichimliklar va har doim oqsil bo‘ladi. Aytgancha, qo‘shiqchi ko‘katlarni yaxshi ko‘radi. “Men juda ko‘p yashil sabzavotlar, qushqo‘nmas, Bryussel karami, brokkoli va salat bargi iste'mol qilaman”, — deydi qo‘shiqchi.
Haylayterdan faol foydalanadi
Yorqin yonoq suyaklari — Jey Loning ajralmas xususiyatidir. Haylayter nafaqat ajinlarni yashiradi, balki terini yorqin qiladi va dam oldiradi. Lopes “qarilikka qarshi” kichik sirni biladi, shuning uchun haylayter doim yulduzning pardoz sumkasidan joy oladi.
Kirpiklarini taraydi
Kirpiklarning ajoyib va jozibali ko‘rinishi uchun xonandaning vizajisti Skott Barns tush ishlatishdan oldin bir qatlamli praymer surtadi, uni quritadi va keyin kirpiklarini taraydi. Natijada tush bir tekis yotadi, kipriklar momiq bo‘ladi va Lopesning ko‘zlari kadrda doimo ifodali va jozibali bo‘ladi.
Ko‘pincha vodolazka kiyadi
Vodolazka — zerikarli emas, balki universal va elegant. Asosiysi, rang va uslubingizni topish. Jey Loning bu borada hech qanday muammosi yo‘q. Yulduz qora yoki neytral ranglarni va kalta modellarni afzal ko‘radi. Ba’zida ularni yozda ham kiyadi. Lopes kundalik kiyimlar bilan vodolazka kiyib, ularni kechki liboslar bilan aralashtirib hashamatli ko‘rinadi.
Asimmetrik liboslar kiyadi
Jennifer Lopez ko‘pincha bir yelkali kiyimlarni tanlaydi, bunday assimetrik dizaynlar qanchalik chiroyli bo‘lishi mumkinligini eslatib turadi. Ularning yordami bilan u bir vaqtning o‘zida nazokatli va nafis qiyofa yaratishga muvaffaq bo‘ladi.
Oq rangni yaxshi ko‘radi
Jennifer Lopesning deyarli har uchinchi libosi oq rangda. Xonanda ayniqsa, bu rangdagi tor ko‘ylaklar va kostyum-shimlarini yaxshi ko‘radi.
Shlyapa kiyadi
Keng qirrali shlyapalar — Lopesning sevimlisi. Slyapa uning qiyofasini nafis ko‘rsatib, romantika qo‘shadi. Bundan tashqari, Jennifer qizil gilamda ham shlyapa kiyib, ko‘ylak va boshqa kiyimlarni mohirlik bilan uyg‘unlashtirgan.
Har doim harakatda
Jennifer Lopez o‘zining yorqin karyerasini 1991-yilda In Living Color komedik teleshouda raqqosa sifatida boshlagan. Uning uchun raqs hayotning leytmotivi, yoshlik, uyg‘unlik va go‘zallik kalitidir. Raqs unga qomatini saqlash imkonini beradi va Lopez o‘zining ajoyib shoulari uchun doimo xoreografiyaga tayanadi. Yaqinda Vogue jurnaliga bergan intervyusida agar u memuar kitob yozsa, uni “Raqs, raqs va yana raqsga tushing” deb atagan bo‘lishini aytadi.
O‘ziga ishonadi
Go‘zallik bizning ichimizda, biz ixtiro qilgan barcha ramkalar bor, Jennifer Lopez shunga amin. “Siz xohlagan narsani qilishingiz mumkinligiga ishonishingiz kerak. Axir, biz o‘zimiz miyamizda cheklovlar yaratamiz”, — deydi taniqli aktrisa va qo‘shiqchi Opra Uinfri bilan suhbatda. Mana shu haqiqiy Jey Lo, chunki u haqiqatan ham o‘zini diyeta va stereotiplar bilan cheklamaydi. Ko‘rinishidan u baxtliga o‘xshaydi.
Izoh (0)