Qashqadaryo viloyatining Shahrisabz shahrida viloyatdagi maktab direktorlarining voha ahli va ota-onalarga murojaati o‘qib eshittirildi. Bu haqda “Daryo”ga viloyat hokimligi axborot xizmati rahbari Ahror Sodiqov xabar berdi.
.jpg)
Maʼlum qilinishicha, murojaatnomada yutuqlar bilan bir qatorda yo‘l qo‘yilayotgan kamchiliklarga ham alohida urg‘u berilgan.
“Viloyatimizdagi 253 ta maktab taʼmirtalab, 81 tasi loy-paxsali, deyarli barcha maktablardagi parta va doskalar abgor holatda edi. Bugun esa haqiqatan ham biz muallimlar dala ishlaridan, ko‘cha tozalashdan, ortiqcha qog‘ozbozlikdan ozod bo‘ldik. Toptalgan qadrimiz, ekilgan qaddimiz muhtaram yurtboshimizning biz ziyolilarga bo‘lgan mehri sabab yana qayta tiklandi. Oyliklarimiz oshib, moddiy farovonligimiz yaxshilandi.
Prezidentimizning ‘O‘qituvchilar uchun hamma imkoniyatlarni yaratib beryapman, lekin o‘qituvchi ham harakat qilishi, taʼlim mazmunining sifatini yana-da oshirishi kerak. O‘qituvchi — katta kuch. Men muallimga ishonaman, men muallimga suyanaman’, degan so‘zlari biz o‘qituvchilarga yanada kuch va g‘ayrat bag‘ishladi”, — deyiladi maktab direktorlari murojaatnomasida.
Ahror Sodiqovning qo‘shimcha qilishicha, mazkur tadbirda maktabgacha va maktab taʼlimi vaziri o‘rinbosari Dilshod Kenjayev, viloyat hokimi Murotjon Azimov va Shahrisabz shahar hokimi Akrom Sulaymonovlar ishtirok etib, ta‘lim fidoyilariga viloyat hokimining faxriy yorlig‘i topshirilgan.
“Qarshi tumanidagi 71-sonli maktabda muhtaram prezidentimiz bilan bo‘lib o‘tgan samimiy suhbatdan kelib chiqib, Qashqadaryo ziyolilari taʼlim sifatini yaxshilash bo‘yicha oldimizga qator vazifalarni belgilab olish maqsadida murojaat qilishni lozim deb topdik. Zero, o‘qituvchi va ota-ona masʼuliyati birdek oshsa, yoshlar taʼlim-tarbiyasi ham yuksak darajada bo‘ladi”, — deydi viloyatlik direktorlar.
Izoh (1)
uyat