O‘zbekiston birja bozorida 2022-yilda qariyb 707 trillion so‘mlik savdolar amalga oshirildi. Bu haqda Respublika valyuta birjasi bosh direktori Rashid Usmonov AOKAda bo‘lib o‘tgan matbuot anjumanida maʼlum qildi.
Rashid Usmonovning aytishicha, o‘tgan yilgi savdolarning o‘sish hajmi 2021-yilga nisbatan juda yuqori ko‘rsatkich qayd etgan.
“2022-yilda birja bozorlarimiz rekord darajada o‘sish ko‘rsatib, 707 trillion so‘m hisobida hajmga ega bo‘ldi. Bu raqam 2021-yilda 338 trillion so‘m edi. Yaʼni o‘tgan yili qariyb ikki baravar o‘sish kuzatildi. Xususan, valyuta bozoridagi savdolar 338 trillion so‘mni, pul bozordagi savdolar 270 trillion so‘mni tashkil etdi”, – dedi tashkilot rasmiysi.
Qo‘shimcha qilinishicha, 2022-yilda birjaga jami 87,3 trillion so‘m qiymatida davlat qimmatli qog‘ozlari joylashtirilgan. Bu ko‘rsatkich 2021-yilga nisbatan qariyb 3,5 barobar yuqori hisoblanadi.
Izoh (0)