Instagram: Metroda qo‘shiq kuylagan Munisa Rizayeva, sivilizatsiya ortidan quvmaslikka chorlagan Yulduz Usmonova, “Hokim buva”ga aylangan Shukrullo Isroilov

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

 Taniqli aktrisa Muqaddas Xoliqova yana bir bor nevarali bo‘ldi. Uning qizi Zebiniso onasining jiyani bilan tushgan suratini sahifasiga joyladi.

Aktrisa Jamila G‘ofurova onasi va farzandlari bilan umra safarini ado etganini ma’lum qildi.

Aktrisa Intizor Tojiboyeva marhum otasi Hojiboy Tojiboyev va singlisi Madina Tojiboyevaning arxiv suratini muxlislariga ko‘rsatdi.

Xonanda Munisa Rizayeva metroda instabloger Liil Xurramov bilan qo‘shiq kuylagani aks etgan videoni e’lon qildi.

Aktrisa, instabloger Feruza Normatova qadr tuyg‘usini bilmagan insonlarni tutib qolmaslik kerakligini aytdi.

Ra’no Shodiyeva turmush o‘rtog‘i va nevarasi Imronning videosini sahifasiga joyladi.

Aktrisa Barchin G‘ofurova muxlislariga umidsizlikka tushmaslik kerakligi haqida aytdi.

Aktrisa Luiza Rasulova YouTube’ning kumush belgisiga ega bo‘lganini ma’lum qildi.

Shuningdek, Luiza Rasulova Ispaniya vizasini olgani, endi Yevropa bo‘ylab sayohat qilishi haqida obunachilariga gapirib berdi.

Xonanda Lola hayotidagi yana bir og‘ir kunni ortda qoldirganini, yagona yo‘l ko‘nikish, qabul qilish, shukr qilish ekanini aytdi.

Shuningdek, Lola onasining tug’ilgan kunini dengizda nishonlagani aks etgan videoni e’lon qildi.

Instabloger Xonzoda Qambarova opasining tug‘ilgan kuniga noodatiy sovg‘a berdi.

Instabloger Liil Xurramov muxlislari uchun yangi fotosessiya uyushtirdi.

O‘zbekiston xalq artisti Yulduz Usmonova uyidagi eski tovani haligacha ishlatishini, insonlarga sivilizatsiyaning ortidan quvmaslik kerakligini aytdi.

Aktrisa Sitora Alimjonova o‘g‘li Muhammadamin bilan tushgan suratini folloverlariga taqdim etdi.

Aktrisa Dilnoza Kubayeva hozirda ayrim erkaklarning ayollarga ko‘rsatayotgan munosabati haqida o‘z fikrini bildirdi.

“Erkaklarimiz ayollarimizni ayashmayotganday, nazarimda. Biz qiyshiq qovurg‘adan yaralganmiz, uni urib tekislab bo‘lmaydi. Bizga faqat yaxshi gap, murosa kerak”, — deydi aktrisa.

Xonanda Hamdam Sobirov tez kunlarda yangi ijod namunasini taqdim etishini ma’lum qildi.

Xonanda Zohirshoh Jo’rayev ramazon oyida ehson tarqatdi.

Bollivud aktrisasi Dipika Padukone yangi surati bilan ko‘rinish berdi.

Xonandalar Farrux Raimov va Dilso‘z yangi yo‘nalishdagi ijodiy yangilik qilishni, ya’ni birgalikda hazilomuz videolar olishini ma’lum qildi.

Instabloger Xoliqjon vines xonanda Jasur Umirovni tug‘ilgan kuni bilan tabriklab, samimiy tilaklarini bildirdi.

Taniqli kinorejissor Sarvar Karimov tez kunda yangi “Hokim buva” filmini muxlislariga taqdim etishini ma’lum qildi. Loyihada bu rolni qiziqchi Shukrullo Isroilov ijro etadi.

Xonanda Gulsanam Mamazoitova yangi konsert dasturida muxlislaridan qaysi taronalarini tinglashni istashini so‘radi.

Xonanda Malika Ravshanova insonlar qilingan yaxshilikni bilmasligi mumkin, biroq Alloh hammasini bilishi haqida muxlislariga gapirib berdi.