Yerni kuchli magnit bo‘ronlari qoplaydi. Hodisa kuzatiladigan sana ma’lum qilindi
Olimlar Quyoshda Yerdan 20 marta katta yangi ulkan “teshik”ni aniqladi. U yaqin kunlarda Yerda magnit bo‘ronlari kuzatilishiga olib kelishi mumkin. Bu haqda “MIR 24” xabar berdi.
Qora tuynukdan esayotgan issiq shamol oqimi soatiga 2,9 million kilometr tezlikda harakatlanmoqda. Mutaxassislar u 31-mart yoki 1-aprel kuni Yerga tushishini prognoz qildi. Bu magnit bo‘ronini qo‘zg‘atadi.
Ob-havoga ta’sirchan odamlar kuchli magnit bo‘roniga oldindan tayyorgarlik ko‘rishi kerak. Quyosh shamoli sun’iy yo‘ldoshlar va boshqa qurilmalarning ishlashiga ham ta’sir o‘tkazishi mumkin. Ammo shimol yog‘dusini tomosha qilishni yaxshi ko‘radiganlar uchun bu yaxshi yangilikdir. Sababi noyob tabiat hodisasini ko‘rish ehtimoli imkon qadar yuqori bo‘ladi.
Magnit bo‘ronining salomatlikka ta’siri
Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi. Magnit bo‘ronining salbiy ta’sirining eng keng tarqalgan ko‘rinishlari quyidagilar:
- bosh aylanishi va bosh og‘rig‘i;
- uyqu buzilishi;
- diqqatni jamlash bilan bog‘liq muammolar;
- qon bosimning buzilishi;
- surunkali kasalliklarning kuchayishi;
- og‘riqlar, shuningdek, bo‘g‘imlardagi og‘riq;
- ishtaha buzilishi va ko‘ngil aynishi;
- holsizlik.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ovqat ratsionidan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.
Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
