Toshkentning ikki tumanida gaz taʼminoti vaqtincha to‘xtatiladi
Toshkent shahrining ikki tumani: Sergeli va Yangihayot tumanida 31-mart kuni tabiiy gaz taʼminoti vaqtincha to‘xtatiladi. Bu haqda “Hududgaz Poytaxt” gaz taʼminoti filiali axborot xizmati xabar berdi.
Xabarga ko‘ra, Sergeli tumani “Yuqori darxon” MFY, Navro‘z ko‘chasida joylashgan d-159 mm li o‘rta bosim gaz quvuriga, gaz hisoblagich o‘rnatish ishlari “Hududgaz Poytaxt” GTFning “Sergelitumangaz” va “Yangihayottumangaz” gaz taʼminoti bo‘limlari tomonidan amalga oshirish rejalashtirilgan. Shu tufayli 31-mart kuni soat 11:00 dan 18:00 ga qadar quyidagi isteʼmolchilarda gaz taʼminoti vaqtinchalik to‘xtatiladi. Shundan Sergeli tumani aholi isteʼmolchilari: Navro‘z, Yorqin hayot ko‘chalaridagi jami 528 ta uy xo‘jaliklarida, ulgurji isteʼmolchilari:
- Maktab – 1 ta;
- MMT – 1 ta;
- Novvoyxona – 4 ta;
- Maishiy ishlab chiqarish korxonasi – 5 ta.
Yangihayot tumani aholi va ulgurji isteʼmolchilari: Navro‘z, Past darxon ko‘chalaridagi jami 250 ta uy xo‘jaliklarida hamda 7 ta ulgurji isteʼmolchilarda gaz taʼminoti to‘xtatiladi.
Qayd etilishicha, taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘ragan.
