“Tolibon” harakatining qochqinlar masalalari bo‘yicha vaziri vazifasini bajaruvchi Xalil ar-Rahmon Haqqoniy Afg‘oniston hukumatini ag‘darishda Rossiya, Amerika va NATOga a’zo davlatlar rol o‘ynaganini aytdi. Bu haqda Etilaatroz xabar berdi.
.jpg)
Haqqoniy Paktiya viloyatidagi uchrashuvda ushbu mamlakatlardan Afg‘onistonda o‘nlab yillar davom etgan urush oqibatida qurbonlar va iqtisodiy yo‘qotishlar sababli afg‘on xalqiga tovon to‘lashni talab qildi. Rossiya, Amerika va NATO a’zolari o‘nlab yillar davomida Afg‘onistonning turli viloyat va hududlarida qurol-yarog‘ qo‘llagan holda shafqatsiz hujumlar olib borgani ta’kidlandi.
“Tolibon” rasmiysi bu hujumlarning qurboni bo‘lgan insonlarga kompensatsiya to‘lanishi kerakligini bildirdi. Shuningdek, Haqqoniy yuqoridagi davlatlarni Afg‘onistonning ichki ishlariga aralashish va unga qarshi sanksiyalarni davom ettirishda aybladi.
Ma’lumot o‘rnida, “Tolibon” harakatining mazkur bayonotni e’lon qilgan mulozimi Xalil ar-Rahmon Haqqoniyni Vashington eng xavfli terrorchilardan biri sifatida 2001-yilda qidiruvga bergandi. O‘shanda Amerika tomoni uning qayerdaligi haqidagi ma’lumot uchun 5 million dollar to‘lashga tayyorligini bildirgan.
Izoh (0)