Saudiya Arabistoni Vazirlar Mahkamasi Shanxay hamkorlik tashkiloti(SHHT)ga a’zo bo‘lish qarorini ma’qulladi.
28-mart kuni qirol Salmon bin Abdulaziz Ol Saud raisligida Vazirlar Mahkamasi yig‘ilishi bo‘lib o‘tgan. Vazirlar Saudiyaga SHHTda muloqot bo‘yicha hamkor maqomini berish to‘g‘risidagi memorandumni tasdiqladi. Muloqot bo‘yicha hamkor maqomi qirollikka o‘rta muddatli istiqbolda to‘liq a’zolikni berishdan oldin tashkilot ichidagi birinchi qadam bo‘ladi.
Shanxay hamkorlik tashkiloti 2001-yilda Xitoy, Rossiya, O‘zbekiston, Qozog‘iston, Tojikiston va Qirg‘iziston tomonidan tashkil etilgan. Keyinchalik ushbu tashkilotga Hindiston, Pokiston va Eron qo‘shildi.
2022-yil 16-sentabr kuni Samarqand shahrida bo‘lib o‘tgan sammitda Misr, Qatar va Saudiya Arabistoni bilan muloqot bo‘yicha sheriklik memorandumlari imzolanib, Bahrayn, Kuvayt, Maldiv orollari, Myanma va Birlashgan Arab Amirliklariga muloqot bo‘yicha sherik maqomini berish tartibini boshlash to‘g‘risida qaror qabul qilindi.
Izoh (0)