London jahon moliya markazlari reytingida yagona yetakchilikni boy berdi

City of London Corp yillik tadqiqotiga ko‘ra, London jahon moliya markazlari reytingidagi yagona yetakchiligini yo‘qotdi.

“Bizning global biznes taklifimiz: London va o‘sishni qo‘llab-quvvatlash uchun Buyuk Britaniyaning raqobatdosh ustunligi” deb nomlangan London shahri hisobotida 95 ta ko‘rsatkich bo‘yicha dunyoning yetakchi moliya markazlari reytingi berilgan. 

Natijada London o‘zining umumiy raqobatbardoshlik ko‘rsatkichini 59 dan 60 ga oshirib, birinchilikni saqlab qoldi. 

“Biroq, bunday yuqori ko‘rsatkichlarga qaramay, tadqiqotda birinchi marta London yaqqol yetakchiga aylanmadi — boshqa moliya markazlari reytingda tezroq harakatlanmoqda”, — deyiladi tadqiqotda. 

Reytingda birinchi o‘rinni London bilan o‘tgan yili ikkinchi pog‘onani egallagan Nyu-York egallab turibdi. 

Hisobotda qayd etilishicha, ko‘proq kompaniyalar AQSH IPO’lariga ariza topshirganligi sababli u raqobatbardoshlik ko‘rsatkichini 58 dan 60 ga oshirgan (Z/Yen tadqiqotiga ko‘ra, Nyu-York 2018 yilda Londonni dunyoning yetakchi moliyaviy markazi sifatida ortda qoldirganini eslatadi). 

Jahon moliya markazlari reytingida uchinchi o‘rinni Singapur (51 ball), keyingi o‘rinlarni Frankfurt (46), Parij (43), Gonkong (37) va Tokio (35) egallab turibdi. 

“Buyuk Britaniya xalqaro bozorlarga AQSH, Fransiya yoki Yaponiyaga qaraganda yaxshiroq kirish imkoniyatiga ega eng ochiq va global moliyaviy markazlardan biri bo‘lib qolmoqda. Ammo bizning raqobatdosh ustunligimiz xavf ostida. Moliyaviy va professional xizmatlar sohasida o‘sishni rag‘batlantirish uchun uzoq muddatli reja kerak”, — dedi City of London raisi Kris Xeyvard. 

Korporatsiya ma’lumotlariga ko‘ra, Buyuk Britaniya xalqaro qarzlarni chiqarish, tijorat (qayta) sug‘urtalash va valyuta savdosi bo‘yicha dunyodagi eng yirik markaz, shuningdek, aktivlarni boshqarish bo‘yicha ikkinchi yirik markaz bo‘lib qolmoqda. 

2022-yilda Buyuk Britaniyaning tez rivojlanayotgan texnologik kompaniyalari 24 milliard funt sterling (29,6 milliard dollar) miqdorida rekord darajadagi sarmoya jalb etdi. 

Biroq, taxminlar ko‘ra, Buyuk Britaniya Yevropa Ittifoqidan chiqqanidan keyin ro‘yxatdan o‘tuvchi kompaniyalar soni kamayadi.