AQSHning sobiq prezidenti Barak Obama ayollar har bir davlatni kamida bir necha yil boshqarsa, dunyo yaxshi joyga aylangan bo‘lishini aytdi. Bu haqda Daily Telegraph xabar berdi.
AQSHning 44-prezidenti Avstraliya bo‘ylab safari chog‘ida liderlik kuchi va kelajakni qanday boshqarish haqida gapirdi. Sobiq prezident siyosatdagi ayollar mavzusiga ham to‘xtaldi.
“Agar Yerdagi har bir davlatni ikki yil davomida ayollar boshqaradigan tajriba o‘tkaza olsak, dunyo yaxshi tomonga o‘zgarishiga aminman”, — dedi u.
Uning so‘zlari gulduros qarsaklar bilan kutib olindi, shundan so‘ng Obama qo‘shimcha qildi.
“Qarsak chalishdan oldin, ayollar aqldan ozadigan harakatlar qilmaysiz, demoqchi emasman, shuning uchun o‘zingizni ko‘p maqtamang. Oilamda uch ayol bor, shuning uchun ulardagi har qanday harakatlarni ko‘rganman”, — dedi u.
61 yoshli sobiq prezident AQSHning Tennessi shtatidagi maktabda uch nafar to‘qqiz yoshli bolaning o‘limiga sabab bo‘lgan otishma haqida ham gapirdi.
“Prezidentligim davomida eng katta armon bo‘lib qolgan narsa, qurol ishlab chiqaruvchilarning ta’sirini, ba’zi qurol egalarining paranoyasi va shubhalarini yengib o‘ta olmadim. AQSHda qurolga bo‘lgan bog‘liqlikni sindira olmadim. Bu iqtisodiy rivojlangan davlatlar orasida unikal”, — deya xulosa qildi Obama.
Izoh (0)