Turkmaniston Arqadag‘ shahri loyihasini BMT Bosh assambleyasida taqdim etadi

30-mart kuni Nyu-Yorkda bo‘lib o‘tadigan BMT Bosh assambleyasining chiqindisiz ishlab chiqarish muammosi bo‘yicha yuqori darajadagi yig‘ilishi doirasida Turkmanistonning yangi shahri – Arkadag‘ning taqdimoti bo‘lib o‘tadi. Bu haqda Birlashgan Millatlar Tashkilotidagi milliy missiya xabar berdi.

Arkadag‘ — 2007-yil fevralidan 2022-yil martigacha mamlakatni boshqargan va hozirda xalq hokimiyatining oliy vakillik organi — Xalq kengashini boshqarayotgan Gurbanguli Berdimuhamedovning rasmiy unvoni hisoblanadi.

“Bu shahar chiqindisiz texnologiyalar, ‘aqlli’ shahar tizimlari va zamonaviy ekologik yechimlardan keng foydalanadi”, — deyiladi xabarda.

Turkmanistonning Axal viloyati markazi Arkadag‘ shahri mamlakat tarixida birinchi marta davlat ahamiyatiga molik shahar maqomini oldi va yaqin kelajakda uning tantanali ochilish marosimini o‘tkazish rejalashtirilgan. Nyu-Yorkdagi delegatsiyaga Turkmaniston tashqi ishlar vaziri o‘rinbosari Myaxri Byashimova boshchilik qiladi.

Uchrashuv Parij kelishuvi, Biologik xilma-xillik to‘g‘risidagi konvensiya, Yangi shahar kun tartibi va Xavfli chiqindilarni transchegaraviy tashish va ularni yo‘q qilishni nazorat qilish to‘g‘risidagi Bazel konvensiyasini qo‘llab-quvvatlash maqsadida o‘tkazilmoqda.

Eziz Boyarov, Ashxobod