O‘rtoqlik o‘yinlari. Argentina 7 ta gol urdi, Messidan het-trik, Belgiya 5 ta gol urilgan o‘yinda Germaniyani yengdi
Xalqaro maydonda 29-mart, seshanba kuni futbol bo‘yicha qator o‘rtoqlik uchrashuvlari o‘tkazildi.
O‘zbekiston vaqti bilan 30-mart tongida Argentina termasi Kyurasaoga qarshi bahs olib bordi va raqib darvozasiga javobsiz 7 ta gol urdi. Uchrashuvda Lionel Messi het-trik qayd etgan bo‘lsa, Nikolas Gonsales, Enso Fernandes, Anxel di Mariya va Gonsalo Montel bittadan to‘p kiritdi.
Germaniya va Belgiya terma jamoalari o‘rtasidagi o‘yin qiziqarli kechdi. Belgiyaliklar o‘yin debyutida Yannik-Ferreyra Karrasko va Romelu Lukakuning gollari evaziga hisobni ishonchli ko‘rinishga olib keldi. Bunga nemislar birinchi bo‘lim so‘ngida Niklas Fyulkrugning penaltidan urgan goli bilan javob qaytardi.
Ikkinchi bo‘limda jamoalar yana bir martadan darvozalarni ishg‘ol qildi. Gollarga Kevin de Bryuyne va Serj Gnabri mualliflik qildi.
Shuningdek, Osiyo va Janubiy Amerika terma jamoalari o‘rtasidagi qarama-qarshiliklarda bir xil natijalar qayd etildi: Yaponiya Kolumbiyaga, Janubiy Koreya Urugvayga, Saudiya Arabistoni Boliviyaga, Avstraliya esa Ekvadorga 1:2 hisobida yengildi.
Ushbu kungi o‘yinda O‘zbekiston terma jamoasi Venesuela bilan durang o‘ynagandi (1:1).
O‘rtoqlik o‘yinlari
28-mart, seshanba
Argentina – Kyurasao 7:0
Gollar: 1:0 – 20 Messi, 2:0 – 23 Gonsales, 3:0 – 33 Messi, 4:0 – 35 Fernandes, 5:0 – 37 Messi, 6:0 – 78 Di Mariya, 7:0 – 87 Montel.
Argentina: Martines (Armani, 80), Montel, Otamendi (Foyt, 50), Pesselya, Akunya, Lo Chelso (Di Mariya, 67), Mak Allister (De Pol, 50), Fernandes (Palasios, 50), Gonsales, Messi, Martines (Dibala, 67).
Kyurasao: Rom, Gari, Martina, van Eyma (Trupe, 73), Floranus, Anita (Rumeratu, 84), Bakuna (Felida, 84), Bakuna, Kyuvas (Severina, 73), Gorre (Antonisse, 58), Yanga (Jivkovich, 58).
Ogohlantirishlar: De Pol (81), Anita (82).
Germaniya – Belgiya 2:3
Gollar: 0:1 – 6 Karrasko, 0:2 – 9 Lukaku, 1:2 – 44, penalti Fyullkrug, 1:3 – 78 de Bryuyne, 2:3 – 87 Gnabri.
Germaniya: ter Shtegen, Ginter, Kerer, Raum (Gyunter, 68), Virts (Jan, 32), Goretska (Nmecha, 32), Kimmix, Volf (Vagnoman, 80), Gnabri, Fyullkrug (Berisha, 80), Verner (Shade, 80).
Belgiya: Kastels, Kastan, Vertongen (Salemakers, 46), Fas, Teate, de Bryuyne (Openda, 80), Karrasko (Trossard, 58), Mangalya (Lavia, 80), Onana, Lukebakio (Bakayoko, 58), Lukaku (de Ketelare, 68).
Ogohlantirishlar: Onana (37), Lukaku (43), Nmecha (49).
Avstraliya – Ekvador 1:2
Gollar: 1:0 – 16 Borrello, 1:1 – 51, penalti Estupinyan, 1:2 – 65 Pacho.
Yaponiya – Kolumbiya 1:2
Gollar: 1:0 – 3 Mitoma, 1:1 – 33 Duran, 1:2 – 61 Borre.
Janubiy Koreya – Urugvay 1:2
Gollar: 0:1 – 10 Koates, 1:1 – 51 Hvan In Bom, 1:2 – 63 Vesino.
Saudiya Arabistoni – Boliviya 1:2
Gollar: 0:1 – 13 Moreno, 1:1 – 44, penalti Ad-Dosari, 1:2 – 67 Algaranyas.
