MIB Namangan viloyat boshqarmasi va uning hududiy bo‘limlari ish yurituviga joriy yil ikki oyi davomida energiya resurslaridan qarzdorlik bo‘yicha jami 18,5 milliard so‘mlik 458 ta ijro hujjatlari kelib tushgan. Bu haqda “Daryo” muxbiri Azizbek Abduvaliyev xabar bermoqda.
Olib borilgan ijro harakatlari davomida 404 ta ijro hujjati tamomlanib, qariyb 14,1 milliard so‘mlik qarzdorlik undirildi.
Tabiiy gaz va elektr energiyadan foydalanib, qarzdorlikni bartaraf etmaganlarga nisbatan taʼsir choralari ko‘rilib, hisob raqamlariga inkasso qo‘yish yoki ularga tegishli mol-mulklarni xatlash choralari ko‘rilmoqda.
Jumladan, Namangan tumanlararo iqtisodiy sudining ijro varaqasiga asosan “Qishloqichimliksuv taʼminot” masʼuliyati cheklangan jamiyatidan “Namangan hududiy elektr korxonasi” aksionerlik jamiyati foydasiga ishlatilgan elektr energiyasidan 709 million so‘m qarzdorlikni undirish belgilangandi. Olib borilgan majburiy ijro harakatlari davomida 190 million so‘m qarzdorlik undirildi. Hozirda qolgan summani undirish choralari ko‘rilmoqda.
Izoh (0)