Toshkent shahar YHXB o‘tkazgan 270 mln so‘mlik tenderda bir tadbirkor ikkita korxona bilan qatnashib, g‘olib bo‘ldi
Toshkent shahar Yo‘l harakati xavfsizligi boshqarmasining maxsus ekspluatatsiya-montaj bo‘limi tomonidan 17—28-mart kunlari svetofor uchun boshqaruv ta’minoti xarid qilish bo‘yicha tender o‘tkazildi. “Daryo” muxbiri hujjatlarni monitoring qilish davomida shubhali holatni aniqladi.
Lot ma’lumotlariga ko‘ra, tenderning boshlang‘ich narxi — 270 million so‘m. G‘olib tadbirkor YHXBga svetofor chiroqlari o‘chib-yonishini muvofiqlashtirib turuvchi 30 ta moslama (UК5МP4 kontrolleri) yetkazib berishi nazarda tutilgan.
Tenderda ikkita tadbirkorlik subyekti ishtirok etdi. Bular:
- Svetokont MCHJ;
- “Manzara-Elektronika” MCHJ.
Xarid komissiyasi a’zolarining umumiy baholariga ko‘ra, tenderni 92 ga 84 hisobi bilan “Manzara-Elektronika” korxonasi yutib oldi. Svetokont esa zaxira yetkazib beruvchi etib belgilandi.
Tender ishtirokchilarining rahbariyati bilan tanishish jarayonida shubhali holatga duch keldik.
Statistika agentligi ma’lumotlariga ko‘ra, “M.-E.” MCHJning uch nafar ta’sischisi bor. Ular orasida korxonaga rahbarlik qiluvchi Vetoshkin Anatoliy Petrovich ham mavjud.
Qizig‘i shundaki, aynan shu inson tenderda “M.-E.“ga raqobat taklif etishi kutilgan Svetokont MCHJning ham yagona ta’sischisi va rahbari hisoblanadi.
Ammo “Davlat xaridlari to‘g‘risida”gi qonunning 68-moddasiga ko‘ra, tender ishtirokchisi faqat bitta taklif berishga haqli.
Mas’ullardan ushbu shubhali tender natijalariga e’tibor qaratishni so‘raymiz.
-
Suv ta’minoti unitar korxonasi o‘tkazgan 85 ta tenderni Qurilish vazirligi korxonalari “yutib ketdi”
10 mart, 19:42 -
“O‘z-Hanwoo” o‘tkazgan qariyb 1 milliard so‘mlik tenderda tadbirkor o‘zini-o‘zi yutdi
16 mart, 19:27 -
Qashqadaryoda Yangi yil archasini bezash uchun 262 mln so‘m sarflandi
27 mart, 20:40
