Har bir insonning sochlarini yuvish va turmaklash uchun vaqt ham, xohish ham bo‘lmagan kunlari bo‘ladi va ko‘p hollarda qanday soch turmagini yaratish haqida o‘ylaymiz. “Noviy ochag” nashri sochlaringizni tezda tartibga solishga yordam beradigan, 10 xil oddiy va zamonaviy soch turmagini taqdim etdi.
Bir necha daqiqada qilish mumkin bo‘lgan soch turmagi
- sochlaringizni orqaga tashlab, ikkiga ajratib oling;
- uni tugunga bog‘lang;
- tugunga bog‘langan sochni yana mahkamlab bog‘lang;
- bog‘langan sochni dekorativ rezinka yoki bantik bilan o‘rang.
Tezda qilinadigan soch turmagi
- sochingizni tepaga qilib rezinka bilan bog‘lab oling, ikkiga ajrating va oldinga tashlang;
- tepa qismidan boshlab maxsus vosita yordamida sochlaringizni jingalak qiling;
- jingalak bo‘lgan sochlarni yoying va ozgina tarang;
- sochlaringizga lak seping, so‘ng to‘g‘irlab oling.
.jpg)
Oddiy va tez: elastik tasma yordamida qilinadigan chiroyli soch turmagi
Oddiy harakatlar bilan kir sochlardan chiroyli soch turmagini yaratish mumkin. Buning uchun boshingizga tasma qo‘ying va sochingizni tasmaning pastki segmentiga o'rang. Uni rezinka bilan mahkamlang. Chiroyli va zamonaviy soch turmagi tayyor.
Tasma yordamida yana bir soch turmagini yaratish mumkin. Agar sochingiz uzun bo‘lsa, uning faqat bir qismini lentaga o‘rashingiz mumkin, qolgan qismini esa bo‘sh qoldiring.
Ish va uchrashuv uchun qilinadigan soch turmagi
Bu soch turmagini qilish uchun sizga ikkita rezinka va zakolka kerak bo‘ladi. Bir-ikki kun sochingizni yuvmang: ushbu soch turmagini yuvilgan sochlarda uncha uzoq turmaydi.
- sochingizni ikkiga ajratib oling;
- birinchi soch qismini bir yo‘nalishda, ikkinchisini boshqa tomonga burang. Agar sochingiz bo‘shashib qolsa, mahkamlash uchun zakolkalardan foydalaning;
- ikkita o‘ralgan soch qismlarini bir-biriga bog‘lang, rezinkalarni olib tashlang. So‘ngra uni zakolkalar bilan mahkamlang va qo‘lingiz bilan bo‘shating. Sochingizga o‘zingiz yoqtirgan zakolkalarni qadashingiz mumkin.
Sochingiz yuvilmagan bo‘lsa-da undan chiroyli soch turmagini yaratish mumkin
Oddiy usulda yon tomonga taraladigan soch turmagi ko‘p vaqt va harakatni talab qilmaydi. U yuvilmagan sochlarni berkitishga, yuz shaklini boshqacharoq ko‘rsatishga imkon beradi.
Ofis uchun zamonaviy soch turmagi
- sochingizni rezinka yordamida yig‘ib oling. Pastki qismini olib, lak sepib oling;
- rezinka ostidan sochingizni o‘tkazib oling va sochning o‘rtasida, teshik ochib sochni barmog‘ingiz bilan kirgizing;
- soch uchini teshikdan 5-7 sm gacha torting;
- sochingizning tagini torting, shunda rezinka bosh terisiga mahkam o‘rnashadi va bantik qattiq bo‘ladi;
- uni bo‘shating, natijada “bulochka” hosil bo‘ladi;
- sochning uchini rezinka yordamida mahkamlab oling. Yanada bo‘shashgan soch turmagini istasangiz, uni yuqoriga ko‘taring va lak seping.
Tartibsiz sochlardan chiroyli soch turmagini qilamiz
- o‘ralgan soch turmagini ikki qismga ajrating. Tugunni bog‘lab, o‘ram hosil qiling;
- to‘lqinsimon soch yaratish uchun sochingizni sevimli vositangiz bilan burang;
- ikkala qismni tugib, sochingizni bog‘lab oling. Rezinkani bo‘shatib, har tomonini elastik tasma bilan o‘rab olib mahkamlang;
- sochingiz qancha tartibsiz bo‘lsa shuncha yaxshi. Unga o‘zingiz yoqtirgan bantik yoki zakolkani ham taqib qo‘yishingiz mumkin.
Tez qilsa bo‘ladigan, oddiy soch turmagi
Sochingizni silliq qilib tarang va mahkam bog‘lang. Spiral shpilkalardan foydalaning, ular hatto jingalak sochlarni ham ushlab turadi. Avval sochning bir tomoniga, so‘ngra boshqa tomoniga shpilkani burang. Bu soch turmagi kun bo‘yi yaxshi saqlanib turadi.
Hajmni yanada kattalashtirish uchun suratda ko‘rsatilganidek sochning tagiga shpilkani mahkamlang.
Izoh (0)