Sudyalar oliy kengashida qator tayinlovlar amalga oshirildi
Sudyalar oliy kengashida 28-mart kuni qator tayinlovlar amalga oshirildi. Bu haqda kengash axborot xizmatida xabar berildi.
Xabarga ko‘ra, prezident farmoyishi bilan Sarvarbek Rahmonov sudyalik vakolati muddati davrining besh yil muddatiga Jizzax viloyati maʼmuriy sudining raisi lavozimiga tayinlandi. U tayinlovgacha Oliy sudning sudyasi lavozimida ishlagan.
Shuningdek, prezidentning farmoyishi bilan:
- Ibragim Alimov — sudyalik lavozimida bo‘lishning muddatsiz davriga, shunday besh yil muddatga Toshkent shahar sudi raisining o‘rinbosari — iqtisodiy ishlar bo‘yicha sudlov hayʼati raisi lavozimga (bungacha Oliy sudning sudyasi lavozimida ishlagan);
- Azamat Shodmonovich Ikromov — sudyalik lavozimida bo‘lishning muddatsiz davriga, shunday besh yil muddatga Toshkent viloyat sudi raisining o‘rinbosari — iqtisodiy ishlar bo‘yicha sudlov hayʼati raisi lavozimiga (Oliy sudning sudyasi lavozimida ishlagan) tayinlandi.
Bundan tashqari, M.N. Saidov yozma arizasiga asosan Toshkent shahar sudi raisining o‘rinbosari — iqtisodiy ishlar bo‘yicha sudlov hayʼati raisi lavozimidan, A.X. Shukurullayev odil sudlovni amalga oshirish chog‘ida qonuniylikni buzgani uchun Toshkent viloyat sudi raisining o‘rinbosari — iqtisodiy ishlar bo‘yicha sudlov hayʼati raisi lavozimidan ozod etildi.
