Saudiyada yonib ketgan avtobusda o‘zbekistonliklar bo‘lmagani aniqlandi

Saudiyada Makkaga ziyoratchilarni olib ketayotgan avtobus YTHga uchrab, 20 kishi halok bo‘lgani haqida xabar berilgan edi. O‘zbekiston Musulmonlar idorasi mazkur xabar yuzasidan maʼlumot berdi. 

Maʼlum bo‘lishicha, shu yil 27-mart kuni yamanlik yo‘lovchilar bo‘lgan avtobus Saudiya Arabistonining Abha shahridagi ko‘prikdan o‘tayotgan vaqtda tormoz tizimidagi nosozlik sababli yengil avtomobil bilan to‘qnashib, yonib ketgan. Ushbu hodisa oqibatida 20 kishi halok bo‘lgan, 29 kishi tan jarohati olgan.

Saudiya Arabistonidagi mutasaddilardan olingan maʼlumotga ko‘ra, ushbu avtobusda o‘zbekistonlik ziyoratchilar mavjud bo‘lmagan.