Bugun,

  • USD 11095.31
  • RUB 173.84
  • EUR 10772.44

Shavkat Mirziyoyev 28-mart kuni “Asakabank” va “O‘zsanoatqurilishbank” kapitaliga xorijiy investitsiyalar jalb etish bo‘yicha taqdimot bilan tanishdi. Bu haqda Prezident matbuot xizmati xabar berdi.

Foto: Prezident matbuot xizmati

Xabarga ko‘ra, bank tizimi sohadagi islohotlar natijasida oxirgi uch yilda banklarning umumiy kreditlari hajmi 2 baravar, kapital hajmi 1,6 baravarga oshgan. Banklar ilk bor nufuzli xalqaro kredit reytinglariga ega bo‘lib, xalqaro kapital bozorlarida yevrobondlar joylashtirdi. Xususiy banklar ham ko‘paydi.

Shuningdek, Vengriya, Qozog‘iston, Gruziya, Turkiyaning nufuzli banklari O‘zbekistonga kirib keldi. Ipotekabank isloh qilingani natijasida uning kapitaliga strategik xorijiy investor sarmoya kiritdi.

Bu ishlarni davom ettirib, “Asakabank” va “O‘zsanoatqurilishbank”ka ham xorijiy investitsiyalar jalb etish rejalashtirilgan. Shu maqsadda xalqaro moliya institutlari bilan birgalikda bu banklarga 30 nafar malakali xalqaro mutaxassislar olib kelindi.

Foto: Prezident matbuot xizmati

2023-yil davomida “O‘zsanoatqurilishbank” kapitaliga 125 million dollar, “Asakabank”ka 100 million dollar mablag‘ jalb qilinishi ko‘zda tutilmoqda. Banklarning operatsion faoliyatida zamonaviy dasturiy IT mahsulotlar va 100 dan ziyod yangi bank xizmat turlari joriy etiladi. Amalga oshiriladigan ishlar natijasida 2027-yil natijalari bo‘yicha “O‘zsanoatqurilishbank” daromadi 1,61 baravar, kredit portfeli 1,74 baravarga oshishi ko‘zda tutiladi. “Asakabank”da depozitlar 1,71 baravar, bank aktivlarining hajmi esa 1,72.

Bu va boshqa O‘zbekiston banklariga xalqaro moliya bozorlarida ishonch ortadi va ularning faoliyatida qatnashish uchun xorijiy investor va hamkorlarning qiziqishi ortadi. Taqdimotda mazkur jarayonga xalqaro konsultantlarni taklif etish, ularning kapitalini oshirish va qo‘shimcha investitsiyalar jalb qilish bo‘yicha ko‘rsatmalar berildi.

Izoh
Asosiy yangiliklar
Kino
Sezmagansiz ham: Film voqealaridagi mantiqqa to‘g‘ri kelmaydigan qo‘pol xatolar (foto) 
Mahalliy
Qatar amiri davlat tashrifi bilan O‘zbekistonga keldi (foto)
Karyera
Hokimiyat ularning qo‘llarida: Butun dunyoni boshqaradigan beshta oila (foto)