Ommaviy savdolar orqali to‘liqligicha sotiladigan korxonalar ro‘yxati tasdiqlandi

Shavkat Mirziyoyev 24-mart kuni “Iqtisodiyotda davlat ishtirokini qisqartirishning qo‘shimcha chora-tadbirlari to‘g‘risida”gi qarorni imzolagandi.

Mazkur qaror asosida xususiylashtirish sohasida qilinishi kerak bo‘lgan qator amaliy ishlar belgilandi. Jumladan, aksiya paketlari “bitta aksiya — bitta lot” tamoyili asosida xalq IPOsini o‘tkazish tartibida ommaviy savdolar orqali sotiladigan 40 ta korxonalar ro‘yxati taqdim etildi.

Shuningdek, ommaviy savdolar orqali to‘liqligicha sotiladigan 1001 ta korxonaning aksiya paketlari (ulushlari) ro‘yxati tasdiqlandi (to‘liq ro‘yxat ushbu faylda berilgan). Bundan tashqari, ommaviy savdolar orqali sotiladigan, davlat va davlat ishtirokidagi korxonalarga tegishli 1046 ta ko‘chmas mulk obyektlari ro‘yxati e’lon qilindi.