Oddiy odamlardan tortib, mashhur olim va sportchilargacha bo‘lgan turli shaxslarning tarjimayi holi asosida suratga olingan ko‘plab filmlar mavjud. Mashhur aktyorlar va aktrisalar ekranda o‘ynagan qahramonlari bilan uchrashgani kadrga muhrlangan fotosuratlarni tomosha qiling.
Robert De Niro va Jeyk LaMotta
Rejissor Martin Skorseze tomonidan suratga olingan “Quturgan buqa” filmi 1980-yilda ekranlarga chiqqan. U kelib chiqishi italiyalik bo‘lgan mashhur amerikalik bokschi, professionallar o‘rtasida jahon chempioni Jeyk LaMottaning xotiralariga asoslangan edi. Filmda bosh rolni Robert De Niro ijro etgan. Film ko‘plab mukofot va nominatsiyalarga sazovor bo‘lgan.
Yuqoridagi rasmda LaMotta va De Niro 1981-yilda Nyu-Yorkdagi restoranda.
Eddi Redmeyn va Stiven Xoking
Eddi Redmeyn “Stiven Xoking koinoti” (2014) tarixiy melodramasida mashhur ingliz nazariyotchi fizigi va astrofiziki rolini ijro etgan. Redmeyn 6 oy davomida Xokingning hayoti bilan tanishib, topa olgan barcha intervyu tasmalarini ko‘zdan kechiradi. U olimning talaffuzini ham o‘rgangan. Natijada aktyor ham, film ham ko‘plab mukofot va nominatsiyalarga sazovor bo‘ladi.
Yuqoridagi suratda Stiven Xoking va Eddi Redmeyn 2014-yilda filmning Britaniyadagi premyerasida.
Riz Uizerspun va Sheril Strayed
“Yovvoyi qiz” (2014) sarguzasht dramasi Sheril Strayed 1995-yilda ko‘plab shaxsiy muammolari hayotini barbod qilganidan so‘ng yolg‘iz o‘zi qilgan bir kilometrlik sayohati haqida hikoya qiladi. Filmda bosh rolni Riz Uizerspun ijro etgan. Bu roli uchun aktrisa ko‘plab mukofotlarga nomzod bo‘lgan.
Yuqorida Uizerspun va Strayd 2014-yilda BFI London kinofestivalida film premyerasida.
Uill Smit va Muhammad Ali
2001-yilda bokschi Muhammad Alining 1964-yildan 1974-yilgacha bo‘lgan o‘n yillik hayotiga bag‘ishlangan “Ali” sport dramasi chiqdi. Buyuk bokschi rolini Uill Smit ijro etgan. Aktyor ham, film ham ko‘plab mukofotlar va nominatsiyalarga sazovor bo‘lgan — film tanqidchilar tomonidan ham yaxshi qabul qilingan.
Yuqoridagi fotosuratda — Muhammad Ali va Uill Smit 2001-yilda Gollivuddagi film premyerasida.
Sandra Bullok va Li Enn Tui
“Ko‘rinmas tomon” (2009) biografik sport dramasi “Baltimor Ravens” jamoasida o‘ynaydigan amerikalik futbolchi Maykl Oxer haqida hikoya qiladi. Sandra Bullok Mayklning asrab olgan onasi Li Enn Tui rolini o‘ynaydi.
Aktrisa va Li Enn Tui (yuqoridagi rasmda) 2009-yilda ushbu filmning xayriya premyerasida birga bo‘lishadi.
Bred Pitt va Billi Bin
“Hamma narsani o‘zgartirgan odam” (2011) biografik sport dramasi Maykl M. Lyuisning “MoneyBall. Qanday qilib matematika dunyodagi eng mashhur sport ligasini o‘zgartirdi” kitobiga asoslangan. Kitob Oakland Athletics beysbol jamoasi va uning bosh menejeri Billi Bin haqida. Filmda bosh rolni Bred Pitt ijro etadi. Film kassada muvaffaqiyat qozonib, 73 ta mukofotga nomzod bo‘ladi — ulardan 19 tasini qo‘lga kiritadi.
Yuqoridagi fotosuratda Billi Bin, Bred Pitt va Jona Xill 2011-yilda film namoyish etilishidan oldin Los-Anjelesdagi kinoteatrda.
Jeyk Jillenxol va Jeff Bauman
Jeff Baumanning xotiralari asosida yaratilgan “Kuchliroq” (2017) biografik dramasi 2013-yilda Boston marafonida yuz bergan favqulodda vaziyat vaqtida jarohatlangan odam haqida hikoya qiladi. Bosh rolda Jeyk Jillenxol.
Yuqoridagi rasmda Jillenxol va Bauman filmning 2017-yilda 12-Rim kinofestivalidagi taqdimotida.
Emma Stoun va Billi Jin King
“Jinslararo jang” (2017) sport komedik dramasi faxriy tennischi Bobbi Riggs va o‘sha davrning yetakchi professional tennischilaridan biri Billi Jin King o‘rtasidagi uchrashuv haqida hikoya qiladi. Ikkinchisining rolini Emma Stoun o‘ynaydi.
Mana, ular (yuqoridagi rasmda) 2017-yilda Kaliforniyaning Vestvud shahrida bo‘lib o‘tgan film premyerasida birga.
Leonardo Di Kaprio va Frenk Ebigneyl
“Ustasi farang” rejissor Stiven Spilberg tomonidan 2002-yilda suratga olingan yozuvchi va jinoyatchi Ebigneylning real hayoti haqidagi detektiv tragikomediya. Frenk Ebigneyl rolini Leonardo Di Kaprio ijro etgan.
Mana, ular 2002-yilda Kaliforniyaning Vestvud shahridagi Mann Village teatrida film premyerasida birga.
Margo Robbi va Tonya Xarding
“Tonya hammaga qarshi” (2017) dramasi amerikalik figurali uchuvchi Tonya Xardingning hayoti va faoliyati haqida hikoya qiladi. Sujet 1994-yilda uning figurali uchish bo‘yicha raqibi va Olimpiya terma jamoasidagi do‘sti Nensi Kerriganga qilingan hujumga qaratilgan. Margo Robbi Tonya Xarding rolini o‘ynaydi. Film ham, aktrisa ham ko‘plab mukofot va nominatsiyalarga sazovor bo‘lgan.
Margo va Tonya birgalikda (yuqoridagi rasmda) filmning 2017-yilda Los-Anjelesdagi premyerasida.
Beyonse va Etta Jeyms
“Kadillak Rekords” musiqiy biografik dramasi (2008) Chikagodagi nufuzli ovoz yozish kompaniyasi rahbari Leonard Chess va Chess Records uchun musiqa yozgan bir necha musiqachilarning hayoti haqida hikoya qiladi. Beyonse amerikalik qo‘shiqchi Etta Jeyms rolini o‘ynaydi.
Jeyms va Beyonse (yuqoridagi rasm) 2008-yilda Los-Anjelesdagi film premyerasida birga bo‘lishgan.
Izoh (0)