Osiyo mintaqasi bu yil butun jahon iqtisodiyoti rivojlanishini rag‘batlantirishning muhim asosiga aylanadi. Bu haqda Boao Osiyo forumi (BAF) bosh kotibi Li Baodunga tayanib, “TASS” xabar berdi.
Biz o‘tgan asrda qiyinchiliklarga duch kelgan barcha Osiyo mamlakatlari butun dunyo tayanishi mumkin bo‘lgan o‘sish uchun rag‘batlantiruvchi kuchga, ko‘p tomonlama hamkorlikning muhim ustuniga aylanayotganini ko‘rishimiz mumkin, — dedi u Xaynan orolining sharqiy qirg‘og‘ida bo‘lib o‘tayotgan BAFning tahliliy hisobotlarini sharhlar ekan.
Unga ko‘ra, 2023-yilda Osiyo global iqtisodiyotning sekinlashuvi fonida ajoyib natijalarga erishadi.
Bundan tashqari, uning so‘zlariga ko‘ra, Osiyo davlatlarining tiklanishi notekis davom etmoqda. Oziq-ovqat, energetika va pul-kredit hamda sog‘liqni saqlash sohasidagi inqirozli vaziyat mintaqa mamlakatlariga katta salbiy ta’sir ko‘rsatmoqda.
Li Baodong jahondagi beqaror vaziyat sharoitida og‘ir ahvolga tushib qolgan ayrim mamlakatlarning qarz yuki ortib borayotganini eslatdi.
Bu masalalarni Osiyo va butun dunyo o‘rtasida yanada yaqinroq hamkorlikni amalga oshirish orqali hal qilish kerak”, — deya qo‘shimcha qildi u.
Boaodagi forum 2001-yildan beri muntazam ravishda o‘tkazib kelinmoqda va unda 30 ga yaqin davlat (Osiyo-Tinch okeani mintaqasi davlatlari) ishtirok etadi.
Forum 2020-yilda pandemiya sababli o‘tkazilmagan. Lekin 2021—2022-yillarda qayta tashkil etilgan. Joriy yilda u 28—31-mart kunlari tashkillashtirildi.
BAF Sharqiy Davos deb ataladi — bu muhim kelishuvlarni imzolash, Osiyo va dunyoning boshqa barcha mintaqalaridagi biznes va hukumat doiralari vakillari o‘rtasidagi pozitsiyalarni muvofiqlashtirish uchun katta platformadir.
Xitoy hukumati uni rivojlantirishga katta e’tibor qaratadi va bu mexanizmni Pekinning xalqaro aloqalarini faollashtirish va mustahkamlashga xizmat qiluvchi diplomatiyaning samarali vositasi deb biladi.
Avvalroq Saudiya Arabistoni Osiyo va Yevropa uchun neft narxini oshirgani haqida xabar berilgandi.
Izoh (0)