Super yulduzning o‘g‘li bo‘lish juda oson deb o‘ylarsiz: yaxshi ta’lim, farovon hayot, muxlislar muhabbati va boshqa hamma narsa yetarli bo‘ladi. Mithun Chakrabortining eng yosh merosxo‘ri Namashi 30 yoshda, u hamon Bollivuddagi debyutini kutmoqda. Aktyor oila qurmagan va shaxsiy karyerasini qurishga harakat qilmoqda.
Namashining otasi Mithun butun bir avlodning timsoliga aylandi. Unda haqiqiy iste’dod, joziba va xarizma bor edi. Biroq Mithunning noyob iste’dodi uchta o‘g‘liga ham o‘tmadi. Namashi 1992-yilning 4-sentabrida Mumbayda tug‘ilgan, ammo bolaligining ko‘p qismini Utida o‘tkazgan.
Uning fe’l-atvori emas, tashqi ko‘rinishi otasiga o‘xshaydi. Aktyor bolaligidan ota-onasining izidan borishni va filmlarda rol o‘ynashni orzu qiladi. Namashi Kishore Namit Kapur aktyorlik maktabini va Shiamak Davar raqs maktabini tamomlagan.
U 2013-yilda “Qahramon” nomli qisqa metrajli filmini suratga oldi, so‘ng akasi Mimohning “Sevgi daryosi” filmida rejissor yordamchisi bo‘lib ishladi. To‘rt yil oldin Namashi o‘zining birinchi “Yomon yigit” filmini prodyuser Sajid Qureshining qizi debyutant Amrin Qureshi bilan imzoladi.
Film 2020-yilda ekranlarga chiqishi kerak edi, biroq pandemiya tufayli loyihaning chiqishi kechiktirildi. 2021-yilning kuzida suratga olish guruhi loyihani suratga olish uchun Sankt-Peterburgga jo‘nab ketdi va Mithun Chakraborti ham o‘g‘lini qo‘llab-quvvatlash uchun u yerga borgan.
Namashi Instagram sahifasidagi jonli efirlardan birida debyut filmi 2022-yilning iyul oyida chiqishini ma’lum qildi, biroq premyera hali bo‘lib o‘tmadi. Yaqinda aktyor ishtirokidagi birinchi klip chiqdi. Bu 30 yoshli yigitning karyerasidagi yagona yutug‘i.
Namashining aytishicha, u uzoq vaqt davomida otasiga aktyor bo‘lishni xohlayotganini ayta olmay yurgan. “Dadamga filmlarda rol o‘ynashni xohlayotganimni aytganimda (bu voqea 2016-yilda sodir bo‘lgan), u bu haqda uzoq vaqtdan beri bilishini, Govinda va Shohrux Xon va hatto o‘zining qo‘shiqlariga raqsga tushganimni ko‘rganini aytdi.
Biroq u menga Bollivudda yordam bera olmasligini va birinchi filmimni o‘zim izlashim kerakligini aytdi va 2019-yilda AQSHdagi ta’tildan qaytgach, ishim yo‘qligini angladim.
Oradan bir hafta o‘tgach, kastinglarga bora boshladim va bunga jiddiy kirishdim”, — deydi aktyor. Namashi “Yomon yigit” filmi prodyuseri Sajid Qureshi bilan shunday tanishdi. Prodyuser yangi loyihada qizi Amrin bilan partnyorlikda ishlaydigan, bosh qahramon rolini ijro etadigan aktyorni qidirayotgan edi.
Rejissor Rajkumar Santoshi hayron bo‘lib, “Men Mithun Chakrabortining Mimodan boshqa o‘g‘li borligini bilmasdim”, — deb aytgan.
“Biz fotosessiya va bir nechta mahorat darslarini o‘tkazdik. Ikki yarim hafta o‘tgach, filmda suratga tushish uchun shartnomani imzoladim”, — deydi aktyor.
Namashi boshqa debyutantlardan nimasi bilan farq qiladi, degan savolga u ikkilanmasdan: “Menda hayotga qatʼiy munosabatim, istagan narsamga erisha olishdagi qatʼiyatim, diqqatni jamlash qobiliyatim va filmlarga bo‘lgan muhabbatim bor. Men filmlar haqida hamma narsani bilaman. Filmlar nafaqat mening DNK’mda, balki tom ma’noda tanamning har bir hujayrasida mavjud. Men hech qachon filmlardan zerikmayman.
“10 yil ichida iMDB uchun deyarli 3000 ta sharh yozdim. Men filmlar haqida yozishni yaxshi ko‘raman va boshqa hech narsa haqida o‘ylay olmayman. She’rlar, hikoyalar yozishga harakat qildim, lekin natijadan qoniqmadim. Men kinoda yashayman va nafas olaman”, — deydi Namashi.
Namashi komplekslari borligini va hayotda u juda oddiy yigit ekanini aytgan. Aktyordan o‘zining asosiy jihati nima, deb so‘rashganida, u bu savolga: “Men jingalak sochlarimni yaxshi ko‘raman”, — deb javob bergan.
Izoh (0)