Qashqadaryoda Yangi yil archasini bezash uchun 262 mln so‘m sarflandi
Qashqadaryo viloyati Koson tumani obodonlashtirish boshqarmasi 15—25-mart kunlari tumandagi markaziy archaga bezaklar sotib olish bo‘yicha tender o‘tkazdi. “Daryo” hujjatlarni monitoring qilib, lot ma’lumotlari haqida ma’lumot beradi.
Loyiha smeta hujjatlarida g‘olib tadbirkor Koson tumanida Yangi yil bayrami ko‘tarinki kayfiyatda o‘tkazilishi uchun 2023-yil o‘rnatilgan markaziy archaga bezak va o‘yinchoqlar yetkazib berishi kerak.
Texnik topshiriq ma’lumotlariga ko‘ra, tenderning boshlang‘ich narxi 264 million so‘m bo‘lib, mahsulot bir komplekt sifatida olib kelinadi.
Tenderda “Jaxon Metal Profil” xususiy korxonasi va “Mash’al Hamkor Grand” MCHJ ishtirok etdi. Yakunda 93 ga 74 hisobida “J.M.P” g‘olib deb topildi. Shartnoma summasi — 262 million so‘m.
“Daryo” muxbiri nega mart oyida Yangi yil archasini bezatish uchun buncha mablag‘ sarflangani bo‘yicha izoh olish uchun obodonlashtirish boshqarmasining aloqa telefon raqamiga qo‘ng‘iroq qildi. Ammo go‘shakni hech kim ko‘targani yo‘q.
-
SSVga tegishli klinika o‘tkazgan 55 million so‘mlik tenderni boshqa bir SSV muassasasi yutib oldi
10 mart, 18:56 -
Suv ta’minoti unitar korxonasi o‘tkazgan 85 ta tenderni Qurilish vazirligi korxonalari “yutib ketdi”
10 mart, 19:42 -
“O‘z-Hanwoo” o‘tkazgan qariyb 1 milliard so‘mlik tenderda tadbirkor o‘zini-o‘zi yutdi
16 mart, 19:27
